Deporte

A USC, por medio do seu Servizo de Deportes e en colaboración coa Fundación USC Deportiva, pon ao dispor dos membros da comunidade universitaria e da sociedade unha completa oferta en actividades deportivas e de lecer nos campus de Santiago e de Lugo. Esta oferta foise incrementando e diversificando nos derradeiros anos, conforme o facía a demanda das instalacións universitarias e se continuaba ampliando o perfil dos usuarios, de maneira que a USC conta hoxe cun catálogo de servizos amplo e variado.

A USC mantén un compromiso activo coa promoción de hábitos deportivos e saudables entre todos os membros da comunidade universitaria, mediante o desenvolvemento de distintas actividades deportivas que se estenden a todos/as os/as cidadáns/ás ao obxecto de mellorar a súa calidade de vida.

A través do Servizo de Deportes promóvese a realización de diversas actividades, eventos deportivos, publicacións e traballos de investigación, ademais de colaborar na cesión de instalacións, e foméntase a participación da comunidade universitaria nos diversos campionatos organizados a nivel estatal, autonómico e pola propia institución.

• Deporte universitario [xls - 287 kb]
• Número de participantes por tipo de campionato [xls - 287 kb]
• Deporte federado e escolas universitarias [xls - 287 kb]
• Resultados dos campionatos de España universitarios [xls - 287 kb]