Saltar ao contido principal
Inicio  »  Información xeral  »  Transportes  »  Transporte urbano universitario de Santiago para o curso 2009/2010

Transporte urbano universitario de Santiago para o curso 2010/11

Para o transporte urbano universitario no Campus de Santiago de Compostela utilízase a Tarxeta Universitaria de Identidade (TUI) desde o curso 2005-2006.

Respostando as seguintes cuestións básicas agardamos facilitarche a información do uso da TUI no transporte urbano.

 

►Todas as TUI serven para utilizarse nos autobuses urbanos de Compostela?
  • As TUI que reciben actualmente os membros da Comunidade Universitaria dispoñen dun dispositivo compatible coa tecnoloxía dos autobuses urbanos.
  • Os membros da comunidade universitaria que teñan unha tarxeta antiga (anterior ao ano 2004), e que agora desexen sumarse ao uso do transporte urbano en Compostela, poden demandar unha nova TUI nas seguintes sucursais do Banco Santander:
    • no Campus Vida, no Pavillón Estudantil, extensión 14568.
    • no Campus Norte, na Facultade de CC. Económicas e Empresariais, extensión 11681.
 
► Como se pagan as viaxes e onde se cargan?
O novo "moedeiro de transporte" da TUI precisa soamente de dous pasos sinxelos:
  
1. Para pagar emprégase o moedeiro electrónico que ten a propia tarxeta e que se recarga de
euros, ben nos caixeiros 4B do Banco Santander se se ten unha conta asociada á tarxeta, ben
nos Cargadores de Tarxeta Moedeiro situados en:
  • Pavillón Estudantil (*)
  • Residencia Universitaria Monte da Condesa
  • Facultade de CC. Económicas e Empresariais (*)
  • Casa Jimena e Elisa Fernández de la Vega (*) 

 

2. Cos euros da tarxeta moedeiro as viaxes cárganse nos Puntos de Información Universitaria
(PIUS) ou nos autobuses urbanos. Os PIUS están situados en: 
  • Facultade de Filosofía e CC. da Educación
  • Pavillón Estudantil (*)
  • Facultade de CC. Económicas e Empresariais (*)
  • Facultade de Medicina e Odontoloxía
  • Biblioteca Xurídica Concepción Arenal
  • Casa Jimena e Elisa Fernández de la Vega (*) 

 

(*) Nos centros con (*) os cargadores da tarxeta moedeiro están ao carón dos PIUS polo que o pagamento e a carga do "moedeiro de transporte" da TUI pode facerse no mesmo espazo nestes tres edificios da USC. 

 

► É necesario ter unha conta no Banco Santander para utilizar o moedeiro electrónico?
Non. Para utilizalo é suficiente recargalo nos cargadores de moedeiro electrónico situados nos edificios indicados no apartado 1. da pregunta anterior. 

 

► É o mesmo o prezo das viaxes para toda a comunidade universitaria?
Sí
 
► Cales son os prezos para o curso académico 2010-2011?
  • Recargas de 10 viaxes: 6,00 €
  • Recargas de 100 viaxes: 59 €
 
► 10% Desconto nas recargas de viaxes durante o mes de marzo de 2011 nos PIUS
Se se fan recargas de viaxes durante o mes de marzo de 2011, estes teñen un
desconto adicional do 10 %, quedando aos seguintes prezos:
  • Recargas de 10 viaxes: 5,40 euros
  • Recargas de 100 viaxes: 53,10 euros 
     
► Que validez teñen as viaxes para os ESTUDANTES?
 
Caducan o 30 de setembro de 2011.