Centro de Estudos e Investigacións Turísticas (CETUR)

• Páxina web

Información

Director:

Secretario:

Enderezo

Centro de Estudos Avanzados
Rúa das Salvadas, s/n
Parque de Vista Alegre
15782 Santiago de Compostela
Telefóno - fax: 981 55 99 62
Teléfono: 981 56 31 00, ext. 16339
Correo electrónico: cetur@usc.es

Descrición

O Centro de Estudos e Investigacións Turísticas (CETUR) é un proxecto interdisciplinario que se enmarca no ámbito dos Centros Propios da Universidade de Santiago de Compostela (USC) e que conta coa participación e o apoio activo de institucións e organismos extra-universitarios que representan os intereses da sociedade. O obxectivo principal é a investigación, a docencia, a información, a formación continua e o asesoramento técnico sobre calquera aspecto relacionado co turismo no contexto territorial da Comunidade Autónoma de Galicia.

A actividade do CETUR estrutúrase en diferentes áreas de traballo, asociada cada unha delas aos obxectivos estratéxicos e operativos establecidos. Estas son:

1. Área de actividades docentes, na que se promoven e desenvolven cursos de especialización e/ou formación continua no campo do turismo.
2. Área de investigación, encargada de incentivar, promover e coordinar os diferentes equipos de investigación integrados no propio CETUR.
3. Observatorio turístico, no que se realiza un seguimento do sector turístico a partir da análise e estudo das súas principais compoñentes de oferta e demanda.
4. Área de relacións exteriores, encargada de propor e asinar convenios con outros centros converxentes co CETUR, estimulando principalmente a colaboración intercentros a nivel nacional e internacional.
5. Área de actividades, destinada á promoción e desenvolvemento de todo tipo de actos e actividades destinadas á divulgación e aprendizaxe de coñecementos relacionados co turismo (seminarios, congresos,...).