Animalario de Produción

O Animalario Central da Universidade de Santiago, encadrado dentro da Área de Animais de Experimentación da RIAIDT, atópase inscrito no Rexistro Oficial de Establecementos de Cría, Subministradores e Usuarios de Animais de Experimentación da Delegación Provincial da Consellería de Agricultura, con número de rexistro 15.003.AE, según establece a lexislación vixente.

O obxectivo do Animalario Central é satisfacer a demanda existente por parte dos investigadores, tanto da propia USC, como doutros centros de investigación, de animais de experimentación criados e mantidos nas condicións esixidas pola lexislación sobre protección de animais utilizados na experimentación, prestándolle ós animais os coidados axeitados por parte de persoal especialmente formado na cría e mantemento de animais adicados á investigación, de xeito que se asegure que o coidado e benestar dos animais sexa o máximo posible.

A cría e mantemento de animais de experimentación no Animalario Central realízase non só baixo criterios e normas científicas, senón coas esixencias éticas de protección, control, coidado e benestar dos animais. O centro cumpre cos requerimentos lexislativos relativos ós animais de experimentación: Directiva Comunitaria 86/609/CEE, Real Decreto 223/88, e Orde Ministerial 13/10/89.