Espectroscopía IR-Raman

As epectroscopías Infravermello e Raman conforman a espectroscopía vibracional e relaciónanse coas vibracións moleculares. Tanto a espectroscopía Infravermella como a Raman producen transicións entre niveis vibracionais cuantizados anque os mecanismos que inducen ditas transicións son diferentes.

Os espectros de IR e Raman dun composto proporcionan gran información sobre as súas propiedades internas (composición química, impurezas, interacción entre sustituíntes, análisis de grupos funcionais, etc.), polo que é de gran importancia no análisis cualitativo.

Dentro das múltiples aplicacións destas técnicas podemos destacar, por exemplo o análisis de polímeros, aditivos, estudios forenses, identificación de contaminantes ambientais, medicina, diversas áreas da química (organometálica, orgánica, inorgánica, agrícola, industrial), patrimonio (identificación de pigmentos) etc.