Plataforma de Secuenciación e Xenómica Funcional
Esta plataforma nace coa vocación de respostar e servir de apoio á Investigación, estando a disposición do propio Organismo, doutras Institucións Públicas e Privadas, en todo o ámbito estatal e internacional. A plataforma dispón de recursos técnicos e humanos de primeira liña, cun instrumental moderno e con equipos de alta tecnoloxía. Estas infraestruturas permiten resolver numerosas cuestións no campo da investigación e do desenvolvemento tecnolóxico.
A plataforma de secuenciación foi creada pola USC no ano 2006 para prover de servizos de secuenciación á propia comunidade universitaria e prestar asemade estes mesmos servizos de alta calidade a investigadores doutras entidades públicas e privadas. Desde o su inicio a actividade da plataforma estivo estreitamente vinculada aos grupos de investigación dos doutores Angel Carracedo e Paulino Martínez. Co obxectivo de incorporar á plataforma a importante experiencia e know-how destes dous grupos na área de xenómica funcional, en 2009 a plataforma reorientase para incluír tamén estas tecnoloxías no seu portfolio de servizos e actividades.
