Saltar ao contido principal
Inicio  »  Investigación  »  Rede de Infraestruturas de Apoio á Investigación e ao Desenvolvemento Tecnolóxico  »  USEF (Unidade de Avaliación de Actividades Farmacolóxicas de Compostos Químicos)  »  Instalacións

 

Instalacions

 

A USEF atópase localizada no Edificio CIMUS no Campus Vida da Universidade de Santiago de Compostela.

Dispón dun moderno e ben equipado laboratorio de avaliación de actividade farmacolóxica de moléculas e un equipo de profesionais especializados capaz de asesorar nos distintos xeitos da planificación de cascadas de screening e validación de dianas en descoberta de fármacos.


Inclúense as infraestruturas necesarias para levar a cabo cascadas de selección de fármacos a grande escala, tanto en estudos de unión como funcionais. Estas infraestructuras inclúen o robot Freedom Evo (Tecan) para o manexo de líquidos, o robot Aquarius (Tecan) para o manexo de placas tanto de 96 como de 384 pocillos. Ademáis conta con sistemas Multidrop (TermoLab Systems), dotados dun brazo robótico Titan Stacker (ThermoLab Systems) para a adición de líquido a placas de 96 ó 386 pocillos, así como a placas “Deep well”.Asimesmo conta co lavador de placas Columbus (Tecan) que permite obter un maior rendimento en estudos que precisan dun lavado de exceso de colorante nas placas (citotoxicidade, enzimoinmunoensaio).


  • IMG_0005
  • IMG_0008
  • IMG_0030
  • IMG_0044
  • IMG_0074
 

 


O equipo conta co detector multifuncional Ultra Evolution (Tecan) que permite realizar determinacións colorimétricas, de fluorescencia, de fluorescencia polarizada, FRET e luminiscencia; este detector está acoplado ao brazo robótico Connect (Tecan) que permite realizar a detección automatizada simultánea de ata 16 placas de 96 pocillos ou de 32 placas de 384 pocillos. Asimesmo conta co detector Microbeta Trilux (Wallac).


O equipo dispón asimesmo dun moderno sistema de baños termostatizados independentes que permiten realizar estudos funcionais “in vitro” e “ex vivo” cunha batería de transductores acoplados a un sistema PowerLab.


O equipo humano científico e técnico atópase familiarizado co uso das tecnoloxías a grande escala incluindo tanto o manexo das plataformas e robots necesarios como o deseño, miniaturización/automatización dos ensaios, así como no emprego dos programas informáticos (programas e licencias) de deseño, leitura de resultados, análise e interpretación.