Aprobadas polo Consello de Goberno o 30 de marzo de 2005

O Servizo Universitario de Residencias (SUR) da Universidade de Santiago de Compostela (USC) é un Servizo cunha acreditación avalada pola confianza e satisfacción que amosan os seus usuarios. A situación xeográfica, as instalacións de que dispón e os servizos adicionais que se ofrecen (cafeterías, comedores, bibliotecas, salas de informática con internet, etc...) son boa mostra da vontade institucional de consolidar, aínda máis, o SUR como un servizo de calidade para beneficio dos individuos e de toda a colectividade universitaria.

Malia a todo, queremos avanzar na mellora da eficacia cunha xestión responsable da ocupabilidade dos Centros. É por iso que pedimos a todos os sectores implicados neste proceso a súa colaboración no cumprimento das presentes normas: 

Aos efectos desta normativa, Visitante é toda persoa que, non sendo membro da nosa Comunidade Universitaria, ven realizar alguna actividade docente, investigadora ou cultural na USC. Queda excluído o estudantado matriculado en estudos conducentes á obtención de titulacións de grado ou de posgrado e CAP ou equivalente.

1. As solicitudes de reserva realizaranse mediante o modelo que aprobe a Vicerreitoría de Extensión Cultural e Servizos á Comunidade Universitaria, cumprimentado que deberá cumprimentar en todos os seus apartados –nome do visitante, tipo de cuarto, data de entrada e saída, etc.- e enviarase por correo electrónico á dirección que nel figure.

2. Poderán facerse a través de calquera das estruturas orgánicas da Universidade (Facultades, Escolas Universitarias, Departamentos, Institutos,...).

3. A Sección de Servizos á Comunidade Universitaria do Servizo de Axudas e Servizos ao Alumnado, poñerase en contacto co solicitante, tamén a través do correo electrónico, para comunicarlle en que colexio maior ou residencia se lle concede a reserva ou a imposibilidade da concesión, ben por non dispor de prazas vacantes ben por non axeitarse a petición a estas normas.

4. O importe do aloxamento será aboado polo Departamento, Instituto, Facultade ou Escola que realizou a reserva, ou polo propio interesado.

A) No primeiro caso, o responsable económico do centro de gasto deberá enviar, coa maior brevidade posible, a folla de pedimento debidamente cumprimentada coa autorización da retención do gasto, á administración do colexio maior ou residencia asignado. Contra esta folla expedirase o correspondente cargo interno.

B) Se o importe do aloxamento corre a cargo do interesado este deberá aboalo o primeiro día da súa estancia, segundo se indica de seguido:

1. Na administración do centro onde lle foi concedida a praza, por medio de tarxeta de crédito.

2. Co impreso de pago normalizado que se lle facilitará no propio centro.

3. No caso de que a entrada no Centro se realice en sábado, domingo ou festivo, o visitante, previamente á súa chegada, deberá aboar o custo do aloxamento mediante:

4. Transferencia bancaria á conta desta Universidade nº 2091 0388 98 3110001172 de Caixa Galicia, Oficina Principal, Santiago de Compostela.

O xustificante da transferencia entregarao ao persoal de servizo ese día no Centro.

5. No caso de anulación da reserva, que se fará por correo electrónico, non se efectuará ningún cargo se se comunica cunha antelación mínima de 7 días. De non mediar dita comunicación que xustifique a anulación, o custo completo do aloxamento será aboado por quen efectuou a reserva quen, á súa vez, farase responsable dos problemas que poidan xurdir.

6. Os prezos, que como norma xeral serán revisados anualmente, son os que figuran como Anexo I a estas normas.  

ANEXO I

PREZOS DE ALOXAMENTO NO SUR PARA VISITANTES

ANO 2005

1. PREZOS DE CUARTOS INDIVIDUAIS E DOBRES

Atendendo á duración da estadía considéranse tres tramos económicos que supoñen unha redución que vai desde un 50 ata un 80 por 100 do custo inicial.

Nos seguintes cadros calcúlase o prezo por día e tramo:  

A estes prezos hai que engadirlle o 7% de IVE

Se a estadía é superior a un mes, o prezo de cada día que exceda do dito mes será de 12€ en habitación individual e de 20€ en habitación dobre.

Cando estean ocupados todos os cuartos individuais, a Vicerreitoría poderá autorizar a utilización de cuartos dobres para uso individual, tendo sempre como horizonte a optimización dos recursos existentes

2. PREZOS DE APARTAMENTOS

Os apartamentos están ubicados na Residencia Universitaria Burgo das Nacións

Ao igual que nos prezos dos cuartos individuais e dobres, considéranse tres tramos económicos.

Características:

Todos constan de: cuarto de baño, salón con cama supletoria, cociña, TV, microondas, neveira e menaxe.

Dous apartamentos pequenos: un cuarto con dúas camas individuais,

Catro apartamentos medianos: un cuarto cunha cama de matrimonio e outro cunha cama individual e,

Tres apartamentos grandes: un cuarto cunha cama de matrimoio e outro con dúas camas individuais.

Nos seguintes cadros calcúlase os prezos por día e tramo

A estes prezos hai que engadirlle o 7% do IVE

Se a estadía é superior a un mes, o prezo de cada día que exceda do dito mes será de:

22€ o apartamento pequeño

25€ o apartamento mediano

30,50€ o apartamento grande