REVISIÓN E ACTUALIZACIÓN DO CATALOGO DE SERVICIOS XERAIS (1)

DE APOIO A INVESTIGACIÓN DA UNIVERSIDADE DE

SANTIAGO DE COMPOSTELA

(XUNTA DE GOBERNO 22 DE DECEMBRO DE 1994)

A situación actual dos Servicios Xerais de Apoio á Investigación, á necesidade de creación de novos Servicios no Campus de Lugo e o feito de que outros Servicios, por diversas causas, xa non están a funcionar como tales, fai aconsellable a Actualización do Catálogo de Servicios de Apoio á Investigación da Universidade de Santiago.

A particular situación do Campus de Lugo, fisicamente máis concentrado, cun tamaño máis reducido e con necesidades específicas propias, aconsellan a creacción de Servicios cunha filosofía diferente, máis inclinada cara a uns servicios integrados propios do Campus nos que se inclúen varias técnicas. É por isto que se propón a creación de dous Servicios Xerais de Apoio á Investigación no Campus de Lugo:

Servicio Xeral de Apoio á investigación Agrobiolóxica de Lugo.- Inclúe técnicas e instalacións xa en funcionamento no campus tales como: microscopía electrónica, animalario, acuario e os equipos e instalados Laboratorio Agroalimentario de Lugo, así como instrumentación futura de semellantes características.

Servicio Xeral de Apoio á investigación Físicoquímica e de Técnoloxía dos Alimentos de Lugo.- Deseñado para prestar apoio nos eidos indicados as unidades de investigación do campus lucense. Inclúe, entre outros, un espectroscopio de RMN, cromatógrafo de gases e un equipo de absorción atómica, así como instrumentación futura de semellantes características.

Por outra banda, outros Servicios creados no seu día, non están a prestar Servicio na actualidade, polo que deben ser dados de baixa, tal e o caso do Servicio de Acidos Nucleicos e do Servicio de Análise de Imaxe.

Consideración á parte merece o Herbario "SANT" que realiza actividade de interese, pero que, nembargantes, non poden estrictamente considerarse servicios de apoio ós investigadores da USC polo que se propón tamen, a súa baixa como Servicio Xeral e a sua consolidación como Herbario da USC dependente do Vicerrectorado de Investigación e Terceiro Ciclo

O catálogo actualizado dos Servicios Xerais de Apoio á Investigación quedaría como segue:

SERVICIOS XERAIS DE APOIO A INVESTIGACIÓN

DA UNIVERSIDADE DE SANTIAGO DE COMPOSTELA

1.- Análise Elemental.

2.- Espectrometría de Masas.

3.- Animalario Central.

4.- Laboratorio de Soprado de Vidro y Cuarzo.

5.- Resonancia Magnética Nuclear.

6.- Crioxenia e Magnetómetro SQUID.

7.- Raios X (difractómetro de po).

8.- Raios X (monocristal).

9.- Espectroscopía Vibracional.

10.-Microscopía Electrónica.

11.-Radioisótopos e Protección Radiolóxica.

12.-Arqueometría.

13.-Análise de Partículas.

14.-Servicio de apoio á investigación agrobiolóxica de Lugo.

15.-Servicio de Apoio á investigación fisicoquímica e de tecnoloxía dos alimentos de Lugo.

(1)ACORDO SOBRE A NOVA ORGANIZACIÓN DAS UNIDADES DA R.I.A.I.D.T.