Por resolución rectoral do 16 de maio de 1997 establécese a posibilidade de que os centros adscritos realicen cursos, seminarios e as actividades que estimen convenientes co obxecto de que fosen recoñecidos como créditos de libre elección para a libre configuración curricular dos seus alumnos. O único control que se establecía na citada resolución rectoral, era a necesidade de conformidade do Delegado da Universidade no Centro.

As ditas actividades non poder ter un nivel de esixencia menor que o esixido para o recoñecemento das actividades para os demais centros da Universidade, e é por isto que a Comisión de Ordenación Académica e Profesorado (COAP)

ACORDA:

PRIMEIRO.- Os centros adscritos poderán organizar cursos, seminarios e outras actividades recoñecibles con créditos de libre elección para os seus alumnos.

SEGUNDO.- As ditas actividades deberán contar coa aprobación do Delegado da Universidade no centro. Do recoñecemento darase coñecemento ó Rectorado.

TERCEIRO.- Para conceder a autorización, o Delegado da Universidade no centro deberá constatar que a actividade se axusta ós criterios xerais aprobados pola Universidade e recollidos na resolución reitoral do 3 de febreiro de 2003 sobre normas para o recoñecemento de actividades como créditos de libre configuración.