Suplemento Europeo ao Título (SET)
Para referenciar esta páxina empregue o seguinte enderezo: http://www.usc.es/set
Información sobre o Suplemento Europeo ao Título [pdf - 457Kb][Actualizado: 25/04/2008]
A USC poderá expedir esta nova acreditación aos estudantes que solicitándoo rematasen os seus estudos en titulacións oficiais de primeiro e segundo ciclo con posterioridade a setembro de 2003, data de entrada en vigor da norma que regula dito Suplemento Europeo.
O Suplemento Europeo ao Título (SET) é un documento complementario do Título Superior elaborado en tres idiomas (español, galego e inglés) que será entregado despois do remate dos estudos, sen necesidade de esperar a entrega do título impreso.
O Suplemento Europeo ao Título (SET) expedido pola USC tamén ten a consideración de Suplemento Europass, programa europeo que facilita a formación e o traballo en Europa.
A USC é a primeira universidade galega e das primeiras españolas que ofertan este servizo para os seus titulados.
Modelo do Suplemento Europeo [pdf - 99Kb][Actualizado: 25/04/2008]
Obxectivos do SET
- Ser un documento que engade información ao Título obtido mediante unha descrición da natureza do título, do seu nivel, contido e coñecementos alcanzados polo estudante.
- Se axusta ao modelo elaborado pola Comisión Europea, o Consello de Europa, e UNESCO/CEPES (Centro Europeo para a Ensinanza Superior)
- Promove a máis ampla mobilidade nacional e internacional de estudantes titulados.
- En definitiva, ten como obxectivo facilitar a terceiros información sobre os coñecementos e as capacidades adquiridas polos estudantes, xa que neste documento inclúese tanto os estudos cursados polo alumno (expediente) como a información da titulación cursada e documentación sobre o sistema educativo español.
Cómo obter o Suplemento Europeo ao Título?
A solicitude de expedición do Suplemento ao Título pode solicitarse xa nas Unidades de Xestión Académica, e será entregado aos estudantes con anterioridade a entrega do Título Oficial, conforme o modelo establecido polo Consello de Coordinación Universitaria.