Saltar ao contido principal
Inicio  »  Perfís de acceso  »  Estudantes  »  Admisión e Matrícula

Admisión

Curso académico 2012/13

Para referenciar esta páxina empregue o enderezo: http://www.usc.es/matricula

 

1. Admisión de alumnado que desexa iniciar estudos na USC, que proceden de PAAU ou de estudos desta Univesidade

 
  • Os alumnos que fixeron as PAAU no distrito universitario galego ou noutro distrito universitario no presente ano, teñen qu esolicitar a admisión para iniciar estudos a través da CIUG, xa que no curso 2012-13 non hai oferta de titulacións sen límite de prazas.
 
  • Os titulados universitarios, titulados de formación profesional ou con outros títulos que permitan o acceso directo aos estudos universitarios, así como os alumnos da USC e doutras universidades que non completaron os estudos dunha titulación e desexan iniciar outros estudos, tamén deberán presentar as súas solicitudes a través da CIUG, por non haber no curso 2012-13 oferta de titulacións sen límite de prazas.
 

2. Admisión de alumnado que desexa continuar estudos na USC e procede doutras Universidades.

 
Os alumnos que xa iniciaron estudos universitarios noutra universidade ( ncluídas as universidades de A Coruña e Vigo) e queren continualos na USC teñen que solicitar a admisión para continuar estudos conforme ao establecido no punto 2.1.4.2 (alumnado procedente douras universidades) da convocatoria de matrícula. (Ver sección de Matrícula ). 
 
 

3. Admisión de alumnado que xa está a cursar estudos na USC (Continuación de estudos). 

Os alumnos que xa están a cursar estudos na USC matricularanse directamente sen solicitar a admisión. (Ver sección de Matrícula)
 

4. Admisión de alumnado da USC con plans de estudos xa extinguidos

Os alumnos da USC de plans de estudos antigos xa extinguidos que queiran continuar os seus estudos, deberán solicitar previamente a adaptación ao novo plan de estudos na Unidade de Xestión Académcia correspondente, dentro do prazo de matrícula.
Os alumnos dun plan en proceso de extinción que desexen continuar os seus estudos no Grao, tamén deberán facer previamente a adaptación pola Secretaría Virtual. (Ver sección de Matrícula). 
 

5. Admisión de alumnado en titulacións en proceso de extinción.

 
O alumnado que queira iniciar estudos no segundo ciclo das titulacións en proceso de extinción, para ser admitido deberá acreditar ter superadas as materias de complementos de formación correspondentes aos cursos sen docencia.
 

6. Enlaces 

 

Os alumnos que iniciaron os mesmos estudos noutra universidade española deberán solicitar a admisión para continuar estes estudos, conforme ao indicado no punto 2. 

 

     

  • Inicio de estudos de 2º ciclo 
 
Nas titulacións en proceso de extinción, para ser admitido para inicio de estudos no segundo ciclo, deberá acreditarse ter superadas as materias de complementos de formación correspondentes aos cursos sen docencia.