Saltar ao contido principal
Inicio  »  Perfís de acceso  »  Futuros estudantes  »  Programa A Ponte entre o Ensino Medio e a USC  »  “Acto de recoñecemento aos mellores expedientes”. Curso 2012-13

“Acto de recoñecemento aos mellores expedientes”. Curso 2012-13

Xoves, 27 de xuño de 2013 Oficina Web

   

Santiago de Compostela, 3 de xuño de 2013

  

Estimado/a  Director/a:
 
Unha vez máis desde o Programa “A Ponte entre o Ensino Medio e a USC” estamos organizando o Acto de recoñecemento aos mellores estudantes de Centros de Ensino Medio de Galicia. Recórdovos que estes estudantes son os que acadan unha media de 9 entre o bacharelato e a fase xeral das probas de acceso a universidade.
 
Este acto terá lugar o venres día  5 de xullo ás 18:00 horas na Sala Ángel Brage do Auditorio de Galicia en Santiago de Compostela. O auditorio dispón de aparcadoiro propio e gratuíto.
 
Pregámosche que, unha vez recibidas as actas das PAAU, te poñas en contacto cos estudantes  do teu centro que cumpran os requisitos, e nos facilites unha relación cos apelidos e nomes dos alumnos e o número de familiares que os acompañen, así como a túa presenza ou a da persoa en quen delegues. (Adxúntase modelo para esta comunicación).
 
Por esixencias de organización, é preciso estar presentes, como mínimo, media hora antes do comezo do acto. Dado que a capacidade máxima da Sala onde se vai celebrar o acto é de 1000 persoas unha vez completado o aforo poderase seguir o acto a través de pantallas situadas nos accesos a mesma.
 
A confirmación de asistencia deberá facerse antes das 14 horas do día 2 de xullo, (no modelo de solicitude que se acompaña) remitíndoa ao correo electrónico aponte@usc.es ou ben chamando aos números de teléfono 881814576, 881814552.
 
Recibe un cordial saúdo,
 
   

  

Luís Hervella Torrón
Coordinador do programa “A Ponte entre o Ensino Medio e a USC”
 
 
Directores e Directoras de Centros de Ensino Medio de Galicia

  

Arquivos adxuntos: