Saltar ao contido principal
Inicio  »  Perfís de acceso  »  Futuros estudantes  »  Programa A Ponte entre o Ensino Medio e a USC  »  Visitas da USC a Centros de Ensino Medio de Galicia

Santiago de Compostela, 27 /11/12

 
Estimados/as directores/as e orientadores/as:
 
O pasado día 21 de novembro tivo lugar na USC unha xuntanza con directores e orientadores de Ensino Medio onde se presentaron as diferentes actividades do programa “A Ponte entre o Ensino Medio e a USC” para o curso 2012-2013.
 
A primeira das actividades programadas é a visita aos centros de Ensino Medio para presentar aos seus estudantes a nosa Universidade mediante charlas informativas que levarán a cabo o profesorado, persoal de administración e estudantes da USC.
 
Estas visitas terán lugar preferentemente nos meses de xaneiro, febreiro e marzo.
 
Se estades interesados en que se faga esta presentación da USC no voso centro, prégovos que nos enviedes cuberta a ficha que se adxunta, antes do día 15 de xaneiro.
 
Outro punto que se traou nesta reunión foi o das charlas temáticas. Adxuntamos a este escrito a relación das charlas temáticas que se ofertan así como a ficha para facer a solicitude. Esta ficha podedela enviar ao longo do presente curso.
 
Mais adiante enviaremos as fichas para que vos anotedes aos “Encontros na USC” e as “charlas informativas para ANPAS”.
 
Para calquera dúbida ou consulta podedes poñervos en contacto con nós mediante o correo electrónico aponte@usc.es ou nos teléfonos 881814576 // 881814552
 
Moitas grazas pola vosa colaboración
 
Un cordial saúdo
Luis M. Hervella Torrón
Coordinador do programa “A Ponte entre o Ensino Medio e a USC”.
 
Sres/as Directores/as e Orientadores/as de Centro de Ensino Medio de Galicia
 
Outras actividades: