Saltar ao contido principal
Inicio  »  Perfís de acceso  »  Portal internacional  »  Cursos de español e outros

Cursos de español, galego e outros

A Universidade de Santiago de Compostela (USC) a través dos seus centros e servizos ofrece unha variada e atractiva formación en distintos idiomas a toda a comunidade universitaria e a todas as persoas externas interesadas en cursos de idiomas, á vez que acredita o seu dominio coa expedición de distintos títulos recoñecidos a nivel internacional. A programación de cursos é ampla, con flexibilidade de horarios, modalidades de asistencia e apoio de recursos educativos.

A actividade desenvolvida serve de apoio tanto á mobilidade dosalumnos que viaxan a outras universidades estranxeiras, como á acollida daquelas persoas que, procedentes doutros países, queren participar da proposta educativa e investigadora da nosa universidade, así como da riqueza lingüística e cultural de noso país. 

Centro de Linguas Modernas (CLM)

O Centro de Linguas Modernas (CLM) da USC é un servizo propio da universidade fundado no ano 1975 como Instituto de Idiomas. Na actualidade organiza nos Campus de Lugo e Campus de Santiago cursos de diferentes linguas modernas orientados a conseguir un dominio das mesmas tanto dende a súa expresión oral como escrita.

A oferta de cursos intensivos, semestrais e anuaisvai dirixida aos membros da comunidade universitaria e a todas as persoas externas que teñan cumplidos os 16 anos e estén interesadas no coñecemento e dominio das linguas.
Os cursos están homologados có Marco común europeo de referencia para as linguas (MCER) e en idiomas como español lingua estranxeira o inglés existe unha ampla oferta de niveis ao longo de todo o ano académico.
No mes de xullo o CLM amplía a súa su oferta con numerosos cursos intensivos de dúas semanas de duración de diferentes linguas estranxeiras.
O CLM tamén é centro examinador delegado en Galicia para os exames do Goethe Institut (para o alemán), CILS (para o italiano) e NOKEN (para o xaponés). Como sede do Instituto Cervantes dende 1992, o CLM permite aos alumnos internacionais presentarse dúas veces ao ano (maio e novembro) aos exames dos niveis B2, C1 e C2  do Diploma de Español como Lingua Estranxeira (DELE), expedido polo Ministerio de Educación, Cultura e Deporte español.

O personal docente do CLM participa activamente en congresos, elabora e publica materiais didácticos, organiza actividades culturais e intercambios lingüísticos para os alumnos de diferentes nacionalidades, así como viaxes a Francia e Italia como parte integrante no aprendizaxe das linguas e a súa cultura.

Cursos Internacionais

Con máis de cincuenta anos de experiencia, Cursos Internacionales da USC ofrece ao longo de todo o ano unha ampla oferta en Cursos de Español como Lingua Estranxeira e Programas de Formación de Profesorado de español e profesorado de galego:

  • Semestres académicos.
  • Cursos intensivos de lingua e cultura española.
  • Programas de español con fins específicos (EFE): Español e Turismo, Español dos Negocios, Español e Ciencias da Saúde, e Español e Ciencias Medioambientais.
  • Cursos de Formación de Profesorado de primaria, secundaria e fins específicos no Español como Lingua Estranxeira.
  • E, vinculado a Compostela e á ruta Xacobea, cursos temáticos como o Curso de Español e Camiño de Santiago e xornadas culturais como a Aula Xacobea.

Una metodoloxía comunicativa baseada nas directrices do Marco Común Europeo de Referencia para as Linguas e nun  seguemento personalizado. Combínase o coñecemento da lingua e cultura española e galega coa comunicación efectiva e a integración na vida cotidiá. Os nosos cursos e programas celébranse  nos dous campus da USC (Santiago de Compostela y Lugo) e no estranxeiro.

Colaboramos con distintas universidades estranxeiras e institucions como o Ministerio de Educación e Ciencia, Ministerio de Asuntos Exteriores (AECID), o Instituto Cervantes e a Secretaría Xeral de Política Lingüística da Xunta de Galicia. Somos tamén, na súa convocatoria de agosto, Centro Examinador do DELE (Certificado Inicial, Diploma Básico e Diploma Superior de Español como Lingua Estranxeira), expedido polo Ministerio de Educación español a través do Instituto Cervantes.

Cursos de Galego

A USC a través do Instituto da Lingua Galega e o Servizo de Normalización Lingüística ofrecen cursos sobre a lingua e cultura da Comunidade Autónoma.

  • Destacados

Logotipo de Facebook Facebook

Logotipo de Twitter Twitter

Logotipo de RSS Canle RSS

  • Cursos
  • Cursos de español e outros