Unidade de desenvolvemento

A Área TIC, dende a súa Unidade de Desenvolvemento,  aproba  e dirixe os desenvolvementos de aplicacións e plataformas informáticas de xestión que necesitan as diferentes áreas da USC.

O desenvolvemento e mantemento das aplicacións pode ser realizado polo propio persoal da Área TIC, pola empresa Unixest, ou por empresas externas á USC.

As principales aplicacións corporativas que a USC ten a disposición da comunidade universitaria son:

Aplicación de Xestión Académica (Xescampus)

A aplicación de Xestión Académica Xescampus cubre a xestión da oferta  e procedementos de xestión académica dos estudos de 1º, 2º, 3º ciclo e Posgraos oficiais.

Entre os procedementos de xestión académica pódense destacar:

• Matrícula, xestión de expedientes, certificación e títulos dos estudos ofertados.
• Xestión económica dos procesos académicos: axudas, subvencións, cobros, devolucións, morosidade...

A aplicación dispón de distintos portales de acceso segundo o perfil do usuario: Secretaría Virtual do PDI, Secretaría Virtual de Alumnado, Interfaz administrativa para PAS.

Aplicación de Xestión de Persoal

Sistema informático para a xestión de recursos humanos e  nómina de todos os traballadores da USC.

Aplicación de Xestión Económica (eSicus)

O eSicus é un proxecto que pretende englobar toda a Xestión Económica da Universidade nunha única aplicación informática.

Pretende adaptarse ás novas necesidades da USC: Incremento do número de usuarios e o seu control de acceso, centralización da Base de Datos, interfaz web,...

Tamén é importante a relación con novos servizos que a USC ofrece, tanto ao seu propio persoal (Portal de Directores de Centros de Gasto) coma ao persoal alleo (Portal de Provedores).

 Aplicación de Xestión da Investigación (OIT Virtual)

 Os investigadores da USC contan cunha aplicación web, a OIT Virtual, dende a que levar a cabo as seguintes accións:

•  Solicitude das Axudas Propias da USC
•  Actualización do Catálogo de Investigadores e Grupos de Investigación
•  Consulta do estado económico das Actividades de I+D
•  Certificación de gastos de actividades de I+D
•  Solicitude de pagamento a Colaboradores Externos

A necesidade dunha nova aplicación ou mellora dunha existente pódese notificar enviando un correo electrónico a atic.desenvolvemento@usc.es