Adquisición centralizada de equipamento informático

Enmarcado dentro das accións definidas no PETIC III, a Área TIC ten definido un procedemento que sistematiza a compra centralizada de equipamento, co obxectivo básico de obter mellores condicións económicas e técnicas na compra de equipamento para uso da USC, tanto no que respecta aos usuarios de xestión, como para uso directo do persoal investigador. O obxectivo final é o de executar anuamente un subministro, xestionado integramente dende a área TIC, que teña por obxecto a adquisición de equipamento informático para a USC, considerando non só as necesidades cubertas polo orzamento centralizado na ATIC para renovación dos equipos e que corresponde unicamente ao ámbito de xestión, senón tamén as posibles necesidades que nese eido poidan cubrir centros, departamentos ou grupos de investigación cos seus orzamentos.

Para iso, a Área TIC abrirá cada ano un prazo de solicitude de información, no que se ofrecerán aos centros, departamentos e grupos de investigación, a posibilidade de adherirse ás condicións económicas vantaxosas que se derivan dunha compra de volume. Para iso, fará un envío por correo electrónico a todos os decanos/directores de centros, instándolles a que comuniquen, nun determinado prazo, o seu posible interese en participar na compra. Nese sentido, se o centro, ou os departamentos que nel desenvolven a súa actividade, dispoñen do orzamento necesario e están interesado en adquirir equipamento semellante ao que se teña considerado no proceso de compra centralizado, poderán avanzar o seu interese indicando o número de equipos nos que estarían interesados, o destino dos mesmos (centro, departamento...), e confirmando expresamente o compromiso do centro de gasto correspondente de realizar a correspondente transferencia económica.Unha vez recibidas as peticións de todos os centros, a área TIC procederá a solicitar a cada centro e unidade que faga efectiva a aportación económica que lles corresponda, na partida orzamentaria que se lle indique, para iniciar finalmente o procedemento de compra.

Unha vez adxudicado o contrato, a área TIC procederá a coordinar a entrega do equipamento en cada destino, asegurando a súa correcta configuración e posta en marcha en coordinación cos responsables do mesmo. Unha vez entregado o equipamento, nos casos en que se teña producido un aforro adicional respecto ao prezo unitario inicialmente comprometido, a Área TIC tramitará a coorepondente transferencia económica ao centro de gasto polo importe da diferenza que corresponda.

CONVOCATORIA 2013

Equipamento considerado no procedemento:

• Equipos de sobremesa  (torre+teclado+rato):  características mínimas [pdf - 18 kb].

• Pantallas TFT 19':  características mínimas [pdf - 18 kb]. .

Prazos do proceso:

• Recepción de solicitudes de adhesión á compra: 2/6/2013 - 12/6/2013 (pechado).

• Prazo estimado de resolución do procedemento de compra: setembro de 2013.

• Prazo estimado de entrega en centros: outubro de 2013.