Novo Centro de Proceso de Datos da USC
Xoves, 04 de xuño de 2009
Evaristo Muñiz
A USC xa dispón dun novo Centro de Proceso de Datos (CPD), ubicado no Pavillón de Servizos do
Campus Sur, que alberga o equipamento principal dos nodos de voz e datos e os sistemas de
información da Universidade, tanto os relativos á xestión como os da docencia e
investigación.
O proxecto levouse a cabo dende a Área de Tecnoloxías da Información e Comunicacións (ATIC) e
o obxectivo fundamental foi conseguir unhas instalacións modernas, seguras, modulares, redundantes,
fácilmente ampliables e xestionables, que faciliten as labores de mantemento e que permitan reducir
de forma considerable os tempos de indispoñibilidade dos servidores corporativos e das redes de voz
e datos
Os aspectos máis reseñables do novo CPD son:
- Construído con materiais resistentes ó lume
- Mecanismos de seguridade a nivel físico para axeitarse ó establecido na LOPD
- Sistema de climatización de precisión en configuración redundante N+1, con control de
temperatura e humidade
- Grupo electróxeno de emerxencia de 300 kvas e máis de 8 horas de autonomía
- Sistema de alimentación ininterrumpida redundante N+1 de alto rendemento, con
módulos de potencia e baterías reemplazables en quente.
- Distribuidor eléctrico en rack con proteccións magneto diferenciais
superinmunizadas, equilibrado de fases en quente e bypass de emerxencia
- Doble liña de alimentación a cada rack con regletas monitorizadas e conmutadas
- 15 racks de 42Us para albergar os servidores e equipos de telecomunicación
- Cableado de datos redundante en Categoría 6A que permite ata 10 xigabits en
cobre
- Xestión centralizada de toda a infraestuctura do CPD
- Detección de inundación no falso chan, controis de acceso activados con tarxeta
intelixente, circuito pechado de televisión.
- Sistema contraincendios con extinción baseada en gas NOVEC 1230
Con estas novas instalacións disminuirán de forma significativa os cortes de servicio causados
por problemas eléctricos, permitirán un crecemento ordenado e unha mellor organización dos equipos
e servizos, increméntase a seguridade ante inundacións e incendios, refórzase a seguridade física
de acceso á sala e ós equipos e disponse dun sistema de xestión integrado de todos os elementos da
sala
Arquivos adxuntos:
Información máis detallada do novo CPD [ppt - 6615Kb]