III Convocatoria Premios PFC TIC Fundación Universia - Fundación Vodafone España

Luns, 15 de abril de 2013 Dirección ATIC

Universia presenta unha iniciativa de Fundación Universia, trátase da terceira convocatoria dos Premios Proxecto Fin de Carreira (PFC) Fundación Universia - Fundación Vodafone España, para o presente curso académico 2012-2013.

Esta proposta está dirixida aos estudantes de enxeñaría que desde xaneiro de 2012 a xuño de 2013 presentaran e aprobaran o correspondente proxecto en calquera universidade española, pública ou privada.

O obxectivo desta convocatoria é premiar e promover a obtención de resultados no marco das Tecnoloxías da Información e a Comunicación (TIC), destinados a favorecer a accesibilidade e integración sociolaboral das persoas con discapacidade e a integración na vida diaria.

O Xurado concederá un premio ao PFC gañador, dotado cunha cantidade de 5.000 euros, e dous accésit aos que corresponderá unha cantidade de 3.000 e 1.500 euros respectivamente. O importe de todos os premios deberase destinar a unha acción formativa. Con todo, no caso de que o gañador decida realizar un proxecto empresarial, poderá facer uso da dotación económica do premio con este fin.

A convocatoria estará aberta desde o 21 de marzo de ata o 30 de xuño de 2013 inclusive. A resolución dos gañadores realizarase en dúas fases. A primeira, na que se seleccionará aos tres finalistas, finalizará o 15 de setembro de 2013.

A resolución final da convocatoria levarase a cabo antes do día 31 de outubro de 2013 e publicarase na páxina web da Fundación Universia e na páxina web da Fundación Vodafone España.

Máis información: https://candidatos.fundacionuniversia.net/microsites/PremioPFC2013/