Saltar ao contido principal
Inicio  »  Servizos  »  Área de Tecnoloxías da Información e a das Comunicacións (ATIC)  »  Multimedia  »  Reunións Virtuais vía Web (Adobe Connect)  »  Guía rápida

 Guía rápida de usuarios

Descargar Manual de Usuario máis completo Formato PDF (1,241 MB) 

Descargar esta guía rápida Formato PDF (0,452 MB) 

 

A continuación amosamos os pasos que calquera usuario ten que seguir para conectarse coa Sala Virtual. Unha vez dentro da sala virtual tamén indicaremos os pasos a seguir para compartir tanto o son como o video propios, así como documentos que acompañen ás exposicións de cada usuario do grupo de traballo.

 

Para participar nunha reunión virtual só é necesario unha conexión a internet de ancho de banda: 256 Kbps ADSL /cable (recoméndase conexión con cable, 512 Kbps), ter instalado Flash Player 8 (ou posterior) e un explorador web.

 

Pasos a seguir para acceso e uso de Salas para Reunións Virtuais:

 

1. Abra o explorador de Internet que use no seu computador (pódese conectar dende calquera sistema operativo e non necesita descargar ningún software adicional)

 

2. Para entrar, escriba a dirección www. usc.es/xuntanza/sala (onde “sala” se refire ao  nome da sala previamente establecido)

 

3. En caso de que se lle houbera facilitado unha clave de usuario, no menú de entrada que aparecerá na súa pantalla deberá marcar a opción segunda do menú de inicio: sinale a opción “ Entre con su nombre de inicio de sesión y contraseña” e a continuación introduza o nome de inicio de sesión e o contrasinal requiridos para a sala específica á que quere asistir. Nalgúns casos pedirase a maiores unha "Clave de la sala" que será suministrada polo anfitrión.

 

acceso_anfitrion usuario_clave

 
 
4.  No caso de que non se lle houbera facilitado unha clave de usuario, no menú de entrada que aparecerá na súa pantalla deberá marcar a opción “Entrar como invitado”, e a continuación, no recadro inferior ten que introducir un nome co que será identificado dentro do grupo de traballo (nome de invitado). Tamén nalgunha das salas pedirase a parte do nome de usuario a "Clave de la sala"

 

acceso_participante invitado_clave
 
Unha vez realizada estas operacións de calquera das dúas opcións prema o botón “Entrar en la sala”. Xa está vostede dentro da sala virtual na que se celebra a reunión.
  
Ao entrar por primeira vez pode pedir instalar novos programas ou actualizacións, como poden ser: Flash Player, o cal normalmente xa está instalado pero senón é o caso, se pode baixar e instalar dende:

 

get.adobe.com/es/flashplayer

 

No caso de ir a compartir audio ou escritorio haberá que instalar a aplicación Add - In 8 de Acrobat Connect. No menú de Axuda "Ayuda" temos a opción "Instalar complemento de Adobe Connect":

ayuda-instalar-Add-in 

 

Ao clicar nesta opción, pide confirmación da instalación:

 

complemento-add-in

NOTA: Nalgúns casos xa pide instalación ao entrar na sala por primeira vez e no caso de que non apareza a opción será porque o complemento xa está instalado.

 

A funcionalidade básica do seu sistema pódese comprobar a través da dirección: (Pódese facer a comprobación antes de abrir a sala virtual)

 

na3cps.adobeconnect.com/common/help/es/support/meeting_test.htm

 

Ou ben no menú “Ayuda” a opción “Solución de problemas”.

 

Dentro da sala:

Primeiro ir ao menú "Reunión" e "Asistente para configuración de audio", e é imprescindible seguir os sinxelos e explicativos pasos que indican como verificar que o noso equipamento de audio funciona correctamente. (En caso de dúbida ver o Manual adxunto nesta Web, en formato pdf).

 

 A sala na que se entra pode estar configurada de distintas maneiras, o máis habitual é:

 

 sala-general-globos

 

  •  No pod de cámara e voz pódese iniciar a cámara. (Tamén pódese iniciar no botón da cámara que se atopa na barra de menús)

iniciar-camara-boton

iniciar-camara

 

Débese activar a opción de "permitir" (1) o acceso e clicar en "Cerrar" (2). Unha vez activada onde está a nosa cámara hai que clicar "Iniciar uso compartido" (3) xa que inicialmente fai unha previsualización e aínda os asistentes a reunión non ven a imaxe da cámara.

NOTA: Se non vemos a nosa imaxe no pod de "Vídeo" comprobar que no PC está ben configurada a cámara.

Para finalizar o envío de imaxe, no recadro da cámara, arriba a dereita hai o botón para cerrar.

  • Para conectar o noso micrófono hai que ir á barra de menú, na frecha que se atopa a carón do debuxo do micrófono, despregar e clicar en "Conectar Mi Audio". A icona ponse de cor verde cando o micrófono este activo, cando emita a voz aparecen uinhas ondas a carón e xunto o nome na lista de asistentes outra icona dun micrófono.

activar audio

 

 

  • Na barra de menús tamén aparecen os botóns de audio, micrófono e cámara (xa nomeados) e "levantar la mano" onde temos as seguintes opcións.

menus-levantar-mano 

 

  • O pod de abaixo a esquerda trátase dun chat para a sala.

   

  • No pod "Compartir", da a posibilidade de compartir de tres modos diferentes:

    compartir-varios

 

No caso de elixir "Compartir mi pantalla" ábrese una ventá onde elixir Escritorio, algunha aplicación en concreto ou algunha ventá determinada. Permite compartir aplicacións e/ou documentos que non son compatibles de forma nativa con Adobe Connect.

Screenshot - 15_02_2011 , 10_40_58

Por exemplo escollemos a opción de Microsoft Excel:

Screenshot - 16_02_2011 , 9_44_04

Pódese solicitar o control da aplicación ou escritorio, o permiso final debe concedelo o presentador.

Screenshot - 16_02_2011 , 10_05_20

Cando xa esteamos compartindo algo en calquera momento podemos deixar de compartir mediante un botón que aparece "Dejar de compartir"

Pódese tamén pausar o que estamos a compartir para facer outras tarefas e os asistentes vexan a última pantalla fixa e non unha imaxe toda raiada.

dejar_de_compartir

Se compartimos documentos, "Compartir Documentos": Aparece unha nova ventá por encima onde temos unha lista dos documentos xa compartidos nesa sala e abaixo un botón de: "Seleccionar en Mi PC" onde ábrese outra ventá onde vemos todas as extensións dos arquivos posibles para compartir: .PPT, .PPTX, .PDF, .JPG, PNG, .SWF, .FLV, .MP3, .ZIP (limitado a un só arquivo comprimido).

compartir-documento-mipc

 

Unha vez compartido o documento, aparece no menú de arriba botóns para deter o documento compartido, para velo a "pantalla" completa, debuxar sobre el, frecha (para sinalar sobre o menú compartido) e menú despregable con máis opcións.

 compartir-pdf

 

Se eliximos a opción de "Compartir Pizarra": temos un lenzo en branco e unhas ferramentas moi similares a do programa Paint para Windows.

ferramenta_pizarra

 

  • Outro pod é o de "compartir arquivos", o cal permite cargar calquera tipo de arquivo para que os usuarios participantes poidan descargalo ao seu ordenador.

 compartir-archivos-1

Ciclando no boton, "Cargar archivo", abre outra ventá:

compartir-archivos-2

 

Nesta podemos buscar o documento no ordenador "Examinar Mi PC" ou compartir xa  algún da lista de documentos compartidos con anterioridade.

Calquera asistente á reunión poderá gardar os arquivos no seu PC mediante o botón de "Guardar en mi PC".

 

 

NOTA: Para finalizar cada reunión deberán sair desconectándose:  menú “Reunión”, na pestana “Salir de Connect Pro”.

 

 

En caso de ter algunha dubida co manexo do Adobe Connect para SALAS VIRTUAIS consulte a axuda do programa ou contacte co servicio da universidade na dirección de correo atic.multimedia@usc.es ou no teléfono 881 811 000 Ext: 13040

 

 

 

  • Eventos