Servizo de videoconferencia

O servizo de Videoconferencia é un servizo multimedia que permite a interacción entre distintos grupos de traballo. Basicamente consiste en interconectar mediante sesións interactivas (imaxe, voz, datos,..) a un número variable de persoas (interlocutores), de forma que todos poden verse e falar entre si . Adicionalmente, pódese dispoñer doutras funcións como:

• Presentacións Powerpoint: Un dos participantes leva a cabo unha presentación powerpoint que o resto dos participantes poden seguir nos seus destinos.
• Pizarras electrónicas: Pizarra na que cada participante pode presentar un texto, gráficos,…
• Cámara de documentos: Proxección de documentos impresos en papel
• Etc.

O conxunto exacto destas funcionalidades adicionais dependerá da tecnoloxía de videoconferencia que se utilice, da aplicación e do equipamento concreto utilizado. Algúns dos usos máis típicos deste servizo poden ser:

• Reunións de traballo
• Reunións departamentais (consellos, traballos,..)
• Transmisión de seminarios e/ou congresos
• Intervención remota de conferenciantes en congresos
• Cursos de formación.