Aula Universia

Para referenciar esta páxina empregue o enderezo: http://www.usc.es/aulauniversia

Descrición

A Aula Universia é un espazo tecnolóxico de traballo e estudo que ten como obxectivo fundamental a promoción do  acceso dos estudantes ás tecnoloxías da información. Situada na Biblioteca Xurídica Concepción Arenal no Campus Sur, está dispoñible para todos os estudantes da Universidade de Santiago de Compostela. A incorporación desta nova aula, dotada con 40 postos de traballo, foi posible gracias ao Portal Universia S. A.,  ao ceder todo o equipamento á Universidade de Santiago de Compostela.

A finalidade desta aula é conseguir acercar os estudantes ás  tecnoloxías da información, fomentando o uso de Internet como complemento á educación obtida no período de estudos universitarios. Pero a aula non só servirá para poder navegar, o alumno poderá utilizar todas as ferramentas de ofimática e software instalado  para a realización dos seus traballos académicos, adestramento nas propias ferramentas  de forma directa e mediante cursos de formación. Unha equipa de 5 bolseiros de apoio ás Aulas de Informática facilitará o traballo aos usuarios, permitindo que este servizo funcione de forma ininterrompida durante 12 horas diarias.

A novidade desta aula reside na súa zona sen fíos. A Aula Universia, como calquera outra aula da Rede de Aulas de Informática, está conectada á rede de datos da USC, co que se facilita a conexión a Internet desde todos os postos de traballo. Por outra parte na Aula Universia existe un espazo dotado dun punto de acceso sen fíos  para posibilitar que os estudantes accedan á rede de datos da USC e desde ela a Internet, empregando un ordenador portátil dotado dunha tarxeta de rede sen fíos, dentro do proxecto Rede sen fíos da USC. Unhas mesas, con tomas de corrente, situadas nesta zona, facilitan o uso deste servizo sen fíos. A Aula dispoñerá nesta mesma zona dunha pequena biblioteca con libros e revistas de informática para o estudo e consulta dos usuarios.

• Procesos e xestións que se poden realizar no servizo
• Aplicación de reserva de postos de traballo
• Correo web dos estudantes