Usuarios

Poderán ser usuarios da Rede de Aulas de Informática da USC:

• Os estudantes de 1º e 2º ciclo, 3º ciclo e 4º ciclo.
• Os profesores e colaboradores das actividades docentes das Aulas.
• Estudantes matriculados nos cursos de posgrao e formación continua que requiran o uso da RAI para a impartición da docencia.
• Os colectivos de profesores e PAS durante os seus períodos de formación.
• Técnicos responsables das aulas, administradores do sistema, bolseiros da RAI e alumnos en prácticas de apoio á RAI.
• Calquera outra persoa ou colectivo que de forma temporal estea vinculado á actividade docente ou investigadora da USC, e que teña o permiso expreso do decano ou director do centro ou departamento correspondente.

NOTAS para os PROFESORES:

• Os profesores da USC que estean dados de alta no dominio USC, non necesitan darse de alta no dominio RAI para iniciar unha sesión de traballo nun ordenador de RAI. Iniciarán a súa sesión de traballo da forma usual "premendo" o dominio USC.

Código de usuario da RAI

Os estudantes polo feito de estar matriculados son usuarios de RAI. Unha vez rematado o proceso de matrícula envíaselles unha carta ao seu domicilio co seu usuario e chave de acceso.

No caso de non recibir esta carta pode solicitar unha chave de paso nova ou resolver calquera dúbida relativa á sua conta en calquera aula de informática da USC. É necesario acreditar a identidade (mediante o DNI, por exemplo) para que o bolseiro poida proporcionarlles a asistencia que precisen.

Aqueles estudantes que por algún motivo non poidan achegarse a ningunha aula de informática poderán solicitar o envío das suas credenciales ao seu domicilio polos seguintes medios:

• Introducindo unha incidencia na aplicación: http://www.usc.es/55555
• Chamando ao número de teléfono da USC 981563100 extensión 55555 e deixando os nosos datos para comunicar a incidencia.
• Por correo electrónico enviando un correo electrónico a cau@usc.es indicando os nosos datos persoais e precisando que o motivo do correo electrónico é solicitar o envío dos nosos datos de usuario de RAI ao domicilio por correo ordinario.

O código de usuario e a chave de acceso son imprescindibles para poder iniciar unha sesión de traballo nos postos de traballo da RAI.

O código de usuario será xerado automaticamente polo sistema, en xeral será una combinación do nome e o 1º apelido do usuario, separados por un  punto (.):

nome.primeiro apelido

por exemplos: breixo.vinas 

O código de usuario é un identificador único, a xeración automática destes códigos en caso de coincidencias obriga a facer variantes xogando co nome composto do usuario, ou ben engadíndolle extensións numéricas ao apelido. Por exemplo

xoseluis.perez carmen.rey   carmen.rey1  carmen.rey2

son códigos de usuario validos.

O código de usuario é publico e xa veremos como vai formar parte do enderezo electrónico do usuario.

A chave de acceso será elixida polo usuario, e estará formada por unha palabra ou frase entre 8 e 20 caracteres de lonxitude. A diferenza do código de usuario, a chave de acceso non é pública, é secreta, e polo tanto  soamente  a coñece o propio usuario. As garantías de custodia deste segredo  pasan por elixir unha chave de acceso segura. A primeira chave de acceso (password) que se nos proporciona deberémola cambiar o antes posible.

Un usuario de RAI ten dereito a ter un enderezo de correo electrónico. Ao mesmo tempo que un usuario se dá de alta no dominio RAI, créaselle unha conta de correo electrónico asignándoselle un enderezo  de correo electrónico. Aconséllaselles ós alumnos que se acostumen a manexar o correo electrónico, distintos comunicados e información de interese poden chegar ós alumnos por este sistema, relacións académico-docentes cos profesores van a chegar por este medio.

O usuario comprométese a que os seus datos como usuario (código e chave de acceso) non sexan nin cedidos nin utilizados por unha terceira persoa, considerándoselle responsable en todo momento do uso que baixo a súa identidade se faga de calquera recurso da RAI.  Para unha maior seguridade, o usuario deberá pechar a súa sesión unha vez que termine de usar o ordenador que tiña asignado ou reservado.

O código de usuario e a conta de correo electrónico, son persoais e están vinculados ao seu titular mentras dure a súa relación como alumno da Universidade ou actividade na mesma. Ó principio de cada curso académico serán dados de baixa os usuarios e enderezos de correo electrónico daqueles alumnos que perderan a súa  condición de tales.

Todo usuario está obrigado a identificarse ante calquera persoa con responsabilidade no funcionamento da Rede de Aulas de Informática.