Conexión cableada á rede de datos

A conexión á rede de datos posibilita o acceso e compartición de recursos dispoñibles en rede, así coma o acceso a Internet.

Para solicitar unha alta na rede de datos compre enviar á Unidade da Rede de Datos o formulario de alta, correctamente cumprimentado. Unha vez tramitada a solicitude o usuario recibirá un correo cos datos da súa conexión: IP e máscara de rede, router por defecto, nome do dispositivo, servidor de nomes (DNS) principal e secundario. Se así o indicou no formulario de alta, un técnico de Asistencia Usuarios realizará a configuración necesaria para conectar o equipo á rede.

O uso da rede de datos da USC obriga ao cumprimento da Normativa sobre a utilización das TIC na USC.

Calquera modificación que afecta á conexión debe ser comunicada previamente á Unidade de Rede de Datos para a súa autorización e rexistro, incluindo tódalas novas conexións que se realicen a través de minibús existentes. Para isto existen diversos formularios. A non notificación de ditos cambios implica a desconexión automática da rede.

Para consultas ou dúbidas pode contactar co CAU na extensión 55555, pode usar este  formulario, ou por correo electrónico (cau@usc.es). É importante dispoñer dos datos da conexión, a lo menos do número de roseta, na que se solicitou a conexión.

• Quere saber sobre
• Como podo obter a miña IP?
• Como podo obter a miña MAC ou Dirección Física?
• Como podo conectarme á rede dende o meu centro?
• ¿Que debo facer se me cambio de despacho?
• ¿Como me entero que a instalación da roseta está rematada?
• ¿Quen pode conectarse á rede?
• Se non existe roseta no meu despacho ¿Como solicito que me instalen unha nova?
• ¿Que debo facer se non me funciona a conexión á rede?