Saltar ao contido principal
Inicio  »  Servizos  »  Área de Tecnoloxías da Información e a Comunicación (ATIC)  »  Conexión á rede  »  Preguntas frecuentes

Preguntas frecuentes

Preguntas frecuentes da Rede cableada

Preguntas frecuentes da Rede sen fíos

Como podo obter a miña IP?

Nos sistemas Windows deberás ir ao botón de “Inicio” e unha vez despregado o menú seleccionar a pestana “Executar”, e teclear na caixa que aparece o seguinte comando: “cmd /k ipconfig”

No caso dos sistemas Linux/Unix en xeral deberás ter permiso de administrador e deberás teclear nunha fiestra de comandos: “ifconfig” ou “sudo ifconfig”, no caso de non coñecer o directorio onde esta o comando podes utilizar a axuda: “man ifconfig”. Dará información tanto das IP´s como das direccións física (hardware address) dos distintos interfaces que teñas.

Como podo obter a miña MAC ou Dirección Física?

Nos sistemas Windows deberás ir ao botón de “Inicio” e unha vez despregado o menú seleccionar a pestana “Executar”, e teclear na caixa que aparece o seguinte comando: “cmd /k getmac”

Tamén podes teclear na caixa de “Executar” o comando: “cmd /k ipconfig /all” que te proporcionará tanto as IP´s como as direccións físicas dos distintos interfaces que teñas.

No caso dos sistemas Linux/Unix en xeral deberás ter permiso de administrador e deberás teclear nunha fiestra de comandos: “ifconfig” ou “sudo ifconfig”, no caso de non coñecer o directorio onde esta o comando podes utilizar a axuda: “man ifconfig”. Dará información tanto das IP´s como das direccións física (hardware address) dos distintos interfaces que teñas.

Como podo conectarme á rede dende o meu centro?

Para conectar un ordenador á rede de datos dende un centro ou unha facultade compre encher o formulario que se pode atopar aquí , e facelo chegar, firmado e sellado, á dirección indicada no mesmo.

¿Que debo facer se me cambio de despacho?

Deberá comunicarlo a través do seguinte formulario.

¿Como me entero que a instalación da roseta está rematada?

Unha vez instalada a roseta enviaraselle un correo electrónico notificándolle este feito e indicándolle o número que se lle asignou. A partir de ahí xa pode solicitar as altas de voz (extensións telefónica) e/ou datos que precise.

¿Quen pode conectarse á rede?

Poderá conectarse á rede de datos da USC (rede de investigación) todo o persoal investigador, profesores, colaboradores e alumnos de terceiro ciclo en labores de investigación.

Se non existe roseta no meu despacho ¿Como solicito que me instalen unha nova?

 Deberá abrir unha incidencia no Centro de Atención a Usuarios marcando a extensión 55555.
Nos días seguintes poranse en contacto con vostede para ver in situ as peculiaridades da instalación. Dende a área TIC enviaraselle un presuposto co custo da obra. De aceptalo deberá remitilo asinado e acompañado dunha folla de pedimento para que poidan comenzar as obras.

¿Que debo facer se non me funciona a conexión á rede?

Contacte co CAU, na extensión 55555, ou ben a través de cau@usc.es

¿Quen pode empregar a Rede sen fíos da USC?

Todas aquelas persoas que pertenzan á comunidade universitaria da Universidade de Santiago de Compostela, así como os membros doutras universidades europeas que pertezan ao programa Eduroam
 

¿Qué debo facer se teño problemas ca miña conexióná rede sen fíos?

Contacte co CAU, na extensión 55555, ou ben a través de cau@usc.es

¿Un alumno pode utilizar o seu propio ordenador?

Sí, pódese utilizar o ordenador ou dispositivo que se desexe, mentres cumpra cos estándares mencionados ná páxinas web do servizo de rede sen fíos.