Baremo de admisión á escola 

Criterios de asignación

As prazas correspondentes asignaranse conforme aos criterios que se
establecen a continuación:
As puntuacións obtidas nos puntos detallados a continuación serán
ponderados correspondendo o 55 % para a puntuación económica e outro
45 % para as correspondentes a situación sociofamilar e laboral.  

Puntuación económica: (de 0 a 4 puntos) 

- Virá dada pola renda persoal dispoñible (RPD), segundo Declaración da
Renda ( Nota: Para a Admisión: Renda exercicio 2011/ Para a Asignación
de cotas: Renda exercicio 2012/ Esta última, deberá ser entregada, no
momento en que se dispoña da mesma, na Administración da Escola)
Para rendas sen declaración: ingresos brutos de todo tipo (salarios,
rendementos do capital mobiliario, etc.), menos gastos deducibles e
retencións.
De acordo coa Renda Persoal Dispoñible asignarase a puntuación económica
que se di, e na que a equivalencia en puntos é a seguinte:

Para os efectos do cálculo da renda familiar son membros computables da
unidade familiar* o pai,  nai,  titor/a ou persoa encargada da garda e
protección do menor, de ser o caso, os irmáns solteiros menores de
vintecinco anos e que convivan no domicilio familiar a 31 de decembro de
2012 ou os de maior idade, cando se trate de persoas con discapacidade
física, psíquica ou sensorial, así como os ascendentes dos pais que
xustifiquen a súa residencia no mesmo domicilio que os anteriores .
En caso de empate na puntuación global de dous ou máis solicitantes, a
orde de prelación virá dada polas rendas familiares dispoñibles
ordenadas de menor a maior.  

Así mesmo, na adxudicación de prazas teranse presentes estes criterios:

1. Situación sociofamiliar 

1.1. Por cada membro menor de 18 anos a cargo da unidade familiar,
incluído o neno/a para o que se solicita praza: ata 4 puntos. (é dicir,
máximo, dous fillos,incluído o neno/a solicitante, 4 puntos)
1.2. Por cada membro maior de 18 anos a cargo da unidade familiar, sen
ingresos económicos, agás os pais ou titores do neno/a para o que se
solicita a praza: ata 4 puntos.
1.3. Por discapacidade física, psíquica ou sensorial, enfermidade
crónica que requira internamento periódico (segundo o grao):
Pai: ata 5 puntos.
Nai: ata 5 puntos.
Outros membros da unidade familiar: ata 5 puntos.
1.4. Pola condición de familia monoparental: 6 puntos.
1.5. Por ausencia do fogar familiar de ambos os dous membros
parenterais: 12 puntos.
1.6. Pola condición de familia numerosa: 6 puntos.
1.7. Calquera outra circunstancia sociofamiliar que sexa susceptíbel de
valoración ao xuízo da Comisión e adecuadamente acreditada:ata 5 puntos.

2. Situación laboral familiar

2.1. Situación laboral de ocupación de ambos os dous membros parentais:
         Pai: 4 puntos.
         Nai: 4 puntos.
Se ambos os dous traballan na USC sumaránselle outros 4 puntos.
2.2. Situación laboral de desemprego sen prestación económica:
Pai: 4 puntos.
Nai: 4 puntos.
2.3. Situación laboral de desemprego con prestación económica:
Pai: 3 puntos.
Nai: 3 puntos.
2.4. Traballos sen cualificar fóra do fogar, sen percepción económica fixa:
Pai: 3 puntos.
Nai: 3 puntos.
No caso de familias monoparentais, adxudicaráselles a puntuación do
epígrafe correspondente computando por dous, exceptuado o punto 2.1, no
que a puntuación da familia monoparental asimilarase á formada por dous
membros.

3. Terán acceso directo á Escola Infantil da USC:

1- As nenas e nenos que renoven matrícula.
2- Os nenos e nenas que procedan de situacións familiares con especial
necesidade de atención.
As situacións alegadas deberán ser xustificadas documentalmente de
maneira detallada e a Comisión da escola valorará en cada caso se
procede a condición de acceso directo, e estará sometida ás limitacións
derivadas dos grupos que se formen atendendo á idade.
3- Cando un irmán ou unha irmá do solicitante teña praza renovada no
centro, este será admitido/a automaticamente sempre que haxa vacante no
grupo correspondente, reúna os requisitos esixidos para o ingreso e
pertenza a un grupo de idade inferior.
4- Os/as  fillos/as do persoal da escola, sempre que se cumpran os
requisitos xerais e específicos sinalados.

Nota: As referencias neste punto a pai/nai, entenderanse como pai,
nai, proxenitor/a, titor/a ou persoa encargada da garda e protección do
menor.