Normas de funcionamento interno

A Escola Infantil Breogán estará aberta durante todo o ano en horario de 07:45h da mañá a 8 da tarde, agás o mes de agosto que o centro permanecerá pechado. Durante o período de vacacións de Semana Santa e Nadal (período comprendido entre Noiteboa e Reis)o horario do centro será de 08:30 h a 14:30 horas. agás no caso de existir instrucións específicas da USC relativas ao peche dos centros que serán seguidas como corresponde. 

Durante o mes de xullo axustarase o horario para garantir o cumprimento da xornada do persoal laboral no dito mes, polo que o horario do centro nese mes será de 9,00 h a 14,30 h.
 

Aspectos sanitarios

Os pais e nais están na obriga de comunicar por escrito á Dirección do centro calquera tipo de alerxia que padeza o neno ou nena; medicamentos, alimentos, ou outros que se consideren.
Con fin de evitar que a E.I. sexa un foco de posíbeis infeccións, os nenos e nenas non poderán acudir a ela cando padezan algún proceso infecto-contaxioso e a súa incorporación á escola precisará dun informe
do seu médico.
En caso de que o neno ou nena enfermara no centro, avisaríase aos pais ou nais/titores ou titoras ou á persoa sinalada para casos de urxencia.
En caso de accidente, se non fose posible contactar coa familia, efectuaríase o seu traslado a un centro sanitario.
Cando o neno ou a nena precise que se lle administre algún medicamento, será necesario presentar a prescrición médica na que se indique a hora e dose.
 

Saídas do centro

Cada responsable deberá especificar quen/es serán as persoas encargadas de recoller ao/a menor, para calquera saída do centro. Non se autorizará a saída do/a menor con persoas que non estean debidamente autorizadas.