Área de Calidade e Mellora de Procedementos

   Calidade é o grao no cal os servizos da Universidade de Santiago de Compostela cumpren coas expectativas da comunidade universitaria. Entendendo o estudante como o membro central da devandita comunidade e a súa formación o servizo principal da nosa institución, as características distintivas de calidade máis importantes nas cales debemos centrar os nosos esforzos son as relacionadas co proceso de ensino-aprendizaxe e os procesos de soporte asociados.

     A área de calidade e mellora de procedementos é un servizo da USC creado no ano 2007 para:

• Coordinar e apoiar tecnicamente os procesos de avaliación, certificación e acreditación.
• Por en marcha os plans de calidade na USC.
• Impulsar o sistema de xestión de calidade da USC.
• Deseñar e desenvolver o procedementos para a acreditación de titulacións e servizos de acordo coas directrices que se establezan a nivel estatal ou autonómico.
• Analizar procedementos e formular propostas de mellora, xa sexa, a través de redeseño dos procesos ou incluso coa proposta de reorganización dos servizos.