Seguimento de títulos oficiais da USC

   En xullo de 2010 foi aprobado polo Consello de Universidades e a Conferencia Xeral de Política Universitaria o protocolo para o seguimento e a renovación da acreditación dos títulos universitarios oficiais.

   O devandito protocolo baséase no traballo previo desenvolvido pola Rede Española de Axencias de Calidade Universitaria (REACU) na que se atopa a ACSUG. Este documento inclúe as directrices básicas para a realización do seguimento previo á avaliación e necesario para a renovación da acreditación.

   No mesmo documento aprobouse a creación do Grupo de traballo Comisión Universitaria para a Regulación do Seguimento e a Acreditación (CURSA), entre as funcións desta Comisión está a de definir as directrices dos procesos de seguimento e renovación da acreditación de títulos oficiais.

   A Axencia para a Calidade do Sistema Universitario de Galicia (ACSUG) dispón na súa páxina web dun apartado con información xeral do proceso de seguimento: www.acsug.es/webs/seguimento.php

Datos necesarios para a realización do informe de seguimento por título: www.usc.es/gl/goberno/vrcalidade/datoscalidade.html