Saltar ao contido principal
Inicio  »  Servizos  »  Centro de Estudos e Documentación Europeos  »  Energía  »  Hidrocarburos

Biocarburantes

O fomento do uso dos biocarburantes no transporte é unha prioridade na axenda política europea. Neste senso as propostas comunitarias oriéntanse a substituír a gasolina e o gasóleo polos biocarburantes, como medio para reducir a dependencia do petróleo no devandito sector, que produce un terzo das emisións de CO2, ademais de producir efecto invernadoiro.
 
  • Na actualidade os biocarburantes máis utilizados e con meirande potencial para substituír ao gasóleo e á gasolina no transporte son:
    • o biodiesel (fabricado de plantas oleaxinosas – a colza, o xirasol)
    • o bioetanol (fabricado de plantas con alto contido de azucre– como remolacha, ou cereais).
  • Adicionalmente, puxéronse en marcha importantes investigacións para fabricar biocarburantes de madeira, herba e alguns tipos de residuos (é a coñecida como produción de ¨segunda xeración¨).
 Dentro da súa política enerxética, a Comisión Europea propuxo a prórroga ou a supresión de exencións fiscais para produtos derivados do petróleo, tendo en conta os efectos das excepcións no funcionamento do mercado interior, as posibles distorsións na competencia e as políticas de proteción do medio ambiente, os transportes e a enerxía. Neste senso defínense tipos mínimos de impostos especiais sobre os produtos derivados do petróleo, así como exencións obrigatorias e facultativas.