Cursos de LINGUA ALEMÁ

"Wer fremde Sprachen nicht kennt, weiß nichts von seiner eigenen."

(Johann Wolfgang Goethe)

O Centro de Linguas Modernas da USC ofrece cursos anuais e intensivos de lingua alemá. Os cursos están adaptados aos niveis do Marco Común Europeo de Referencia para as Linguas (MECR).

Benvidos e benvidas ao Centro de Linguas Modernas (CLM)

O Centro de Linguas Modernas da Universidade de Santiago de Compostela dálles a benvida a todas e todos os estudantes que durante o vindeiro curso van estudar neste centro, ben no campus de Santiago, ben no de Lugo.

Case tres mil estudantes aprenden linguas modernas ou melloran a súa competencia lingüística no noso centro. O profesorado conta cunha ampla experiencia docente en ensino de linguas estranxeiras,  e o centro dispón de instalacións e recursos axeitados para a aprendizaxe de idiomas.

Se tedes algunha dúbida ou precisades máis información sobre o que o Centro de Linguas Modernas vos pode ofrecer, poñédevos en contacto con nós a través do enderezo electrónico, do teléfono ou na secretaría do CLM.

Esperamos vervos pronto e desexamos que a vosa experiencia no Centro de Linguas Modernas sexa positiva tanto desde o punto de vista académico como persoal.