Cursos de español como lingua estranxeira ELE

O Centro de Linguas Modernas da USC ofrécelles aos estudantes estranxeiros de programas de intercambio e a todos as demais persoas interesadas Cursos intensivos, semiintensivos  e semestrais de español como lingua estranxeira. Estes cursos, de 40 horas presenciais e de 60 horas de traballo autónomo, están adaptados aos niveis do Marco Común Europeo de Referencia para as Linguas (MECR). O obxectivo dos cursos céntrase no desenvolvemento das destrezas comunicativas, tanto as receptivas como as produtivas.

Asimesmo, no Campus de Santiago ofrécense outros cursos abertos a calquera persoa interesada, pertenza ou non á comunidade universitaria, o Curso de civilización y cultura, o Cursos de cultura y literatura a través del cine, así coma os Cursos de preparación para el DELE niveis B2 e C1. 

Información sobre os cursos de ELE 2013-2014

Benvida

O Centro de Linguas Modernas (CLM) da Universidade de Santiago de Compostela dálles a benvida a todas e todos os estudantes estranxeiros que durante o vindeiro curso van estudar neste centro, ben no campus de Santiago, ben no de Lugo.

O CLM ten a súa sede en Santiago no primeiro andar da Casa do Catedráticos, no Campus Vida.  O centro dispón de aulas en diferentes facultades. En Lugo, a sede do CLM atópase na Facultade de Humanidades, na planta baixa.

Máis de seiscentos estudantes estranxeiros aprenden español, ou melloran a súa competencia nesta lingua, no Centro de Linguas Modernas. A totalidade do profesorado conta cunha longa traxectoria docente de Español Lingua Estranxeira e o centro dispón de instalacións e recursos axeitados para a aprendizaxe de linguas.
 

Se tedes algunha dúbida ou precisades máis información sobre o que o Centro de Linguas Modernas vos pode ofrecer, poñédevos en contacto con nós a través do enderezo electrónico, do teléfono ou na secretaría do CLM.

Esperamos vervos pronto e desexamos que a vosa experiencia no Centro de Linguas Modernas sexa positiva, tanto desde o punto de vista académico como persoal.