Cursos e programas

1. Cursos intensivos de Setembro e Febreiro 

2. Cursos cuadrimestrais

3. Curso de Cultura y Literatura Española a través del Cine

4. Cursos de preparación do exame DELE. Niveis B2 e C1

1. Cursos intensivos de Setembro e Febreiro 

Antes do comezo de cada cuadrimestre o Centro de Linguas Modernas ofrece aos estudantes estranxeiros un curso intensivo de español de 40 horas presenciais e de 60 horas de traballo autónomo. O obxectivo destes cursos é que os estudantes cun nivel de español baixo acaden o nivel mínimo para poder desenvolverse sen demasiados problemas na vida académica e nas outras situacións da vida cotiá. Para aqueles que posúan un nivel de español medio, este curso serviralles de preparación para os cursos cuadrimestrais de nivel máis avanzado.

Os nomes, programas e contidos dos cursos están adaptados aos niveis do MCER (Marco Común Europeo de Referencia para as Linguas. Aprendizaxe, ensino e avaliación). 

Para consultar a oferta de cursos desta lingua, prema aquí ou vaia á columna da esquerda no apartado de Matrícula. Antes de matricularse en calquera curso, vostede debe realizar unha proba de nivel gratuíta na data establecida polo Centro. Da realización desta proba estarán exentas aquelas persoas que teñan cursados estudos previos desta lingua no CLM da Universidade de Santiago de Compostela. Para inscribirse na proba de nivel desta lingua, prema aquí ou vaia á columna da esquerda no apartado Proba de nivel.

Todos os cursos teñen carácter presencial e para superalo a asistencia ás clases é obrigatoria. O número máximo de estudantes por grupo é de 20.

2. Cursos cuadrimestrais

Os cursos cuadrimestrais de lingua española teñen a mesma carga lectiva que os intensivos, pero máis repartida, coa finalidade de que o alumnado poida compatibilizar os estudos de grao ou posgrao na Universidade coa mellora do seu nivel de español.

Os nomes, programas e contidos dos cursos están adaptados aos niveis do MCER (Marco Común Europeo de Referencia para as Linguas. Aprendizaxe, ensino e avaliación). 

Para consultar a oferta de cursos desta lingua, prema aquí ou vaia á columna da esquerda no apartado de Matrícula. Antes de matricularse en calquera curso, vostede debe realizar unha proba de nivel gratuíta na data establecida polo Centro. Da realización desta proba estarán exentas aquelas persoas que teñan cursados estudos previos desta lingua no CLM da Universidade de Santiago de Compostela. Para inscribirse na proba de nivel desta lingua, prema aquí ou vaia á columna da esquerda no apartado Proba de nivel.

Todos os cursos teñen carácter presencial e para superalo a asistencia ás clases é obrigatoria. O número máximo de estudantes por grupo é de 20.

Se desexa ver a equivalencia entre os niveis  antigos do Centro de Linguas Modernas e os do Marco Común Europeo de Referencia para as Linguas (MCER), prema aqui.

3. Curso Cultura y Literatura Española a través del Cine