Cursos de LINGUA GALEGA para non galegofalantes

O Centro de Linguas Modernas da USC ofrece en colaboración có Servizo de Normalización Lingüística da USC  (SNL) cursos semestrais de lingua galega para non galegofalantes. Os cursos están adaptados aos niveis do Marco Europeo Común de Referencia para as Linguas (MECR).

Benvidos e benvidas ao Centro de Linguas Modernas

O Centro de Linguas Modernas (CLM) da Universidade de Santiago de Compostela dá a benvida a todas e todos os estudantes que durante o vindeiro curso van estudar neste centro, ben no Campus de Santiago, ben no de Lugo.

O CLM ten a súa sede en Santiago no primeiro andar da Casa dos Catedráticos, no Campus Vida. En Lugo, a sede do CLM atópase na Facultade de Humanidades, na planta baixa.

Case tres mil estudantes aprenden linguas modernas ou melloran a súa competencia lingüística no noso centro. O profesorado conta cunha ampla experiencia docente en ensino de linguas extranxeiras, e o centro dispón de instalacións e recursos axeitados para a aprendizaxe de idiomas.

Se tedes algunha dúbida ou precisades máis información sobre o que o Centro de Linguas Modernas vos pode ofrecer, poñédevos en contacto con nós a través do enderezo electrónico, teléfono ou secretaría do CLM.

Esperamos vervos pronto e desexamos que a vosa experiencia no Centro de Linguas sexa positiva tanto desde o punto de vista académico como persoal.