Cursos de lingua portuguesa

O Centro de Linguas Modernas da USC ofrece cursos cuadrimestrais e intensivos de verán de lingua portuguesa. Os cursos están adaptados aos niveis do Marco Común Europeo de Referencia para as Linguas (MCER).

Benvidos e benvidas ao Centro de Linguas Modernas curso 2011/2012

O Centro de Linguas Modernas (CLM) da Universidade de Santiago de Compostela dá a benvida a todas e todos os estudantes que durante o vindeiro curso van estudar neste centro, ben no Campus de Santiago, ben no de Lugo.

O CLM ten a súa sede en Santiago no primeiro andar da Facultade de Filoxía, no Campus Norte, ainda que o centro dispón de aulas en diferentes facultades do Campus Vida para atender as necesidades idiomáticas de todos os estudantes.  En Lugo, a sede do CLM atópase na Facultade de Humanidades, na planta baixa.

Mais de dous mil estudantes aprenden linguas modernas ou melloran a súa competencia lingüística no noso centro. O profesorado conta cunha ampla experiencia docente en ensino de linguas extranxeiras,  e o centro dispón de instalacións e recursos axeitados para a aprendizaxe de idiomas.

Desde o centro da cidade hai tres liñas de autobuses urbanos que chegan case á porta da Facultade: nº 5 (sae de Conxo), nº 15 (sae do Campus Vida) e C4 (sae da Estación de Autobuses).

Se tedes algunha dúbida ou precisades máis información sobre o que o Centro de Linguas Modernas vos pode ofrecer, poñédevos en contacto con nós a través do enderezo electrónico, teléfono ou secretaría do CLM.

Esperamos vervos pronto e desexamos que a vosa experiencia no Centro de Linguas sexa positiva tanto desde o punto de vista académico como persoal.