Cursos intensivos de verán 2012

 Convocatoria dos cursos intensivos de verán 2012

 Cartel dos cursos intensivos de verán 2012

1. Cursos

2. Proba de nivel

3. Matrícula

4. Anulación de matrícula

5. Avaliación e certificación

6. Resumo do calendario dos cursos intensivos de verán do CLM

7. Seguro

8. Horarios dos cursos

    

1.1.- Cursos intensivos dirixidos a estudantes con bolsa do Programa Erasmus e outros programas de mobilidade para o curso académico 2012-13.  

Campus de Lugo

Campus de Santiago

Duración e calendario dos cursos: 40 horas, 4 horas diarias do 9 ao 20 de xullo de 2012.

Estes cursos están dirixidos con caracter preferente a alumnos da USC que vaian ir a unha universidade estranxeira cunha bolsa dos programas de mobilidade (Erasmus, Europrácticum, Erasmus-Mundus, etc.) durante o curso 2012-13, aínda que tamén están abertos a outros alumnos a partir de 16 anos con necesidades e/ou intereses semellantes.

Nos cursos de alemán (Santiago), inglés (Santiago e Lugo) e francés (Santiago) non se admitirán alumnos que non teñan algún tipo de coñecementos previos destas linguas.

Os cursos de iniciación ao idioma inclúen contidos relacionados coa cultura e civilización dos países de fala que poderán impartirse en galego ou en español.

Non se levarán a cabo os cursos nos que non se inscriban un mínimo de 8 persoas, a non ser en casos excepcionais que a Dirección do Centro estime pertinentes.

No caso de anulación dun curso daráselle ao alumno a posibilidade de cambiar a outro idioma ou devolveráselle o importe da inscrición.

Nos cursos, máis que contidos gramaticais, preténdese ofrecer aos alumnos técnicas e práctica de destrezas, estratexias de comunicación, así como contidos específicos e funcionais que lles serán útiles na súa estadía no estranxeiro.

O alumnado que acade avaliación positiva nun curso poderá solicitar o recoñecemento de 2,5 créditos de libre configuración, segundo a normativa vixente.

O alumnado que teña recoñecido na USC o nivel B1 ou superiores dunha lingua estranxeira distinta, poderá solicitar 1 crédito transversal pola superación de cursos do CLM de 40 hs + 40 hs ou de 80 hs, segundo a normativa vixente.

1.2. Cursos intensivos de linguaxe de signos 

Campus de Santiago

Duración dos cursos: do 9 ao 20 de xullo do 2012.

Estes cursos están abertos a todos os interesados a partir de 16 anos.

O alumnado que acada avaliación positiva no curso poderá solicitar o recoñecemento de 2,5 créditos de libre configuración, segundo a normativa vixente.

O alumnado que teña recoñecido na USC o nivel B1 ou superiores dunha lingua estranxeira distinta, poderá solicitar 1 crédito transversal pola superación de cursos do CLM de 40 hs + 40 hs ou de 80 hs, segundo a normativa vixente.

Non se levarán a cabo estes cursos se non se inscriben un mínimo de 8 persoas, a non ser no caso que a Dirección do Centro o estime pertinente.

No caso de anulación do curso daráselle ao alumnado a posibilidade de cambiar a outro idioma ou devolveráselle o importe da inscrición.

 

1.3. Curso intensivo de preparación do NOKEN (exame oficial de lingua xaponesa)

Campus de Santiago

Duración do curso: do 9 ao 20 de xullo do 2012.

Este curso está aberto a todos os interesados a partir de 16 anos.

Non se levará a cabo este curso se non se inscriben un mínimo de 8 persoas, a non ser no caso que a Dirección do Centro o estime pertinente.

No caso de anulación do curso devolveráselle o importe da inscrición.
 

2.- PROBA DE NIVEL

 
Para os cursos de alemán (Santiago), inglés e francés (Santiago e Lugo) co fin de clasificar aos alumnos segundo o seu dominio do idioma, o día 15 de xuño haberá unha proba de nivel ás 12:00 horas na Facultade de Ciencias Políticas e Sociais (Campus de Santiago) e na Facultade de Humanidades (Campus de Lugo).

Datas para a inscrición nas probas de nivel: Do  1 de xuño ao 14 de xuño de 2012.

 A inscrición realizarase a través desta páxina web ou excepcionalmente de xeito presencial no Negociado do propio CLM.

No caso de ter problemas coa inscrición en liña, deben de remitir unha incidencia ao enderezo cau@usc.es.

Resultados da proba de nivel: 19/06/2012.

3.- MATRÍCULA

Non existe prazo de preinscrición. A matrícula estará operativa dende 1 de xuño de 2012.

Os impresos para formalizar a matrícula para todos os cursos intensivos de verán do CLM descargaránse desta páxina web ou excepcionalmente recolleránse no Negociado do propio CLM. O pagamento faráse mediante un ingreso ou transferencia bancaria tal e como consta no impreso.

 Datas de matrícula: Do 1 de xuño ao 25 de xuño  de 2012.

4.- ANULACIÓN DE MATRÍCULA

 

No caso de imposibilidade de asistir ao curso, poderase solicitar a devolución do importe da matrícula do 26 ao 29 de xuño. FÓRA DESE PRAZO NON SERÁ ATENDIDA NINGUNHA SOLICITUDE.

 

5.- AVALIACIÓN E CERTIFICACIÓN

Os alumnos que non cumprisen cos requisitos mínimos marcados, que serán o cumprimento do 70% dos contidos programados para cada curso e a avaliación continua positiva, e os que non asistan ao 80% das sesións de clase, non terán dereito a un diploma de aprobación.Todos os alumnos que cumpran os requisitos mínimos mencionados poderán recibir un certificado que acreditará a denominación do curso, a cualificación apto/non apto, duración, nome e DNI do alumno.

6.- RESUMO DO CALENDARIO DOS CURSOS INTENSIVOS DE VERÁN DO CLM 2012
 

7.- SEGURO

O alumnado que cursa estudos na Universidade de Santiago de Compostela deberá estar amparado por un seguro, calquera que sexa o tipo de estudos ou a mobilidade de matrícula. No caso de que non estea no ámbito de protección do seguro escolar do INSS, deberá subscribir un seguro de accidente e asitencia en viaxe que cubra os riscos derivados da súa actividade académica.

Os impresos para formalizar o seguro descargarase desta páxina web ou excepcionalmente recollerase no Negociado do propio CLM. O pagamento faráse mediante un ingreso ou transferencia bancaria tal e como consta no impreso.

8.- HORARIOS* DOS CURSOS

Os lugares concretos dos cursos nas facultades do Campus de Lugo e de Santiago estarán visibles dende 1 de xuño de 2012.

 *Aviso: Este horario pode cambiar por causas alleas ao CLM da USC.