Novo servizo da Fonoteca

Ensaios musicais

A Fonoteca pon a disposición dos membros da USC a súa sala de audicións colectivas para ensaios musicais de grupos instrumentais, de coros, ou individuais.

A utilización da sala para ensaios deberá solicitarse na propia Fonoteca, en horario de 15 h a 21 h, informando dos instrumentos a utilizar, número de persoas a ensaiar, e tempo necesario.

Estes ensaios poderanse realizar sempre que a sala non sexa utilizada para outros fins, e o nivel de volume dos instrumentos non entorpeza as actividades do centro.

Conexión a Naxos

A fonoteca subscribiuse á Naxos Music Library, e pódese acceder a todo o seu catálogo, que consta de 5500 rexistros musicais (85.000 pistas), na sala de audicións individuais, no horario habitual da fonoteca (de 15 h a 21 h, de luns a venres)