Botánica

• Colección de madeiras da Illa de Cuba.

Chega ao Gabinete antes de 1857, regalada por José González Olivares e representan especies vexetais moi diferentes representativas dos hábitats da illa, xunto con especies introducidas para o cultivo.

 

 

• Herbario de Baltasar Merino

Membro fundador da Sección de Santiago da Real Sociedad Española de Historia Natural, Merino colabora na creación dunha área dentro do Museo Universitario dedicado exclusivamente a especies de Galicia. Este botánico elabora un herbario con finalidade didáctica para a Universidade, realizando a primera entrega en 1908-1910. O herbario comprende 2028 pregos de plantas vasculares.

  

• Herbario José Vázquez Estévez

Colaborador do Baltasar Merino, doa uns 1000 de espécimes de flora galega á Universidade en 1932

• Micoteca César Sobrado.

Entre 1909 e 1912 o catedrático da Universidade de Santiago, César Sobrado realiza unha investigación sobre fungos superiores de Galicia elaborando esta colección. Esta colección compleméntase con modelos dos exemplares realizados recentemente.

 

• Colección de madeiras, froitos e sementes da Biblioteca América.

 

Gardados en curiosos frascos, os exóticos exemplares desta colección foron obxecto dunha doazón en 1934 da Comisión Protectora de Buenos Aires, e na actualidade consta de 74 mostras procedentes case que exclusivamente de Arxentina.

  

• Herbario de algas mariñas

 

Consta dun herbario histórico e outro moderno iniciado en 1987 por investigadores do departamento de Botánica da Universidade de Santiago. Contén especies das costas galegas e doutras localidades do Atlántico e do Mediterráneo.

  

• Herbario Planellas

Consta de 177 pregos de plantas vasculares, preparados no século XIX.

  

• Herbario de briófitos de turbeiras

Iniciado en 2006 con exemplares de musgos e hepáticas de Arxentina, Chile, Irlanda e diferentes localidades españolas.