Coleccións de fauna terrestre
Iniciouse coa compra en París en 1845 de diversos exemplares e continuou incrementándose durante o século XX con novas adquisicións e diversas achegas. Abarca arredor de 360 exemplares, destacando as aves, mamíferos e réptiles dos cinco continentes.
A Biblioteca América, fundada en Bos Aires en 1904 por Gumersindo Busto, enviaba á Universidade libros, moedas, e material diverso así como exemplares naturalizados de aves, mamíferos e réptiles de América. Estes exemplares son os que conforman na actualidade esta colección.
- Colección de anfibios e réptiles do Field Museum of Natural History de Chicago.
Chega á Universidade como intercambio co devandito museo. Está formada por exemplares conservados en alcohol e recollidos en Estados Unidos entre 1930 e 1940.
O máis salientable son os dioramas de aves e mamíferos, elaborados no período 1920-1980, nos que se pretende representar os exemplares no seu hábitat, mostrando algúns dos comportamentos característicos, relacións con outras especies, alimentación, etc. A maioría foron preparados polo profesor Luis Iglesias Iglesias e o taxidermista Santiago Vez Quijano.
Exemplares na súa maioría capturados polo propio Luis Iglesias, froito das súas investigacións no eido da entomoloxía. Está formada por diferentes grupos taxonómicos recolectados en diversas datas.
- Anfibios e réptiles de Galicia
Composta por máis de 1000 exemplares de anfibios e réptiles de Galicia, doada por Santiago Bas (1975-1980).
- Peles e esqueletos de coellos
Doada por Manuel Sanmartín, resultante dos traballos de investigación do seu equipo sobre a análise dos factores bio-ecolóxicos e epidemiolóxicos do coello en Galicia.
- Colección de Oligoquetos
Doada polo departamento de Bioloxía Animal da Facultade de Bioloxía da Universidade de Santiago en 1996. 16.640 frascos con varios exemplares.
-
Aves e mamíferos da Península Ibérica
123 exemplares adquiridos ou preparados por persoal da USC a finais do século XIX principios do XX.
- Insectos útiles e prexudiciais
320 exemplares. Mercada en Francia a finais do século XIX
- Insectos da colección Victor López
Aproximadamente 500 exemplares. Doada a finais do século XIX por Víctor López Seoane á Universidade de Santiago.
- Colección de insectos de África
Exemplares recollidos por investigadores da Universidade de Santiago na expedición científica realizada ao Rwenzori en 1992.
