Exposición permanente

Desculpen as molestias estamos en fase de montaxe

Zooloxía

Fauna mundial

Móstranse exemplares de diferentes partes do mundo, pertencentes ás coleccións históricas do museo.

Fauna mariña

Constituída por exemplares, conservados en seco ou en alcol, de animais que viven no medio mariño, procedentes de coleccións históricas e actuais.

Fauna terrestre galega

Exponse unha representación da fauna terrestre galega, destacando os dioramas nos que diferentes especies de aves e mamíferos se mostran nun escenario que representa o seu hábitat e modo de vida na natureza.

Xeoloxía

Nesta sección gárdase un dos maiores tesouros do patrimonio científico da Universidade de Santiago de Compostela, a colección de modelos cristalográficos de Haüy.

As coleccións de minerais e rochas e os mapas que se expoñen son un exemplo da xenerosidade dos naturalistas galegos cara a Universidade de Santiago, salientando as doadas por Parga Pondal e as escollidas pezas que constitúen a colección Viqueira.

Botánica

Móstranse unha selección de exemplares de coleccións históricas, principalmente americanas e galegas, ademais de figuras clásticas empregadas con fins didácticos.

Instrumental científico

Instrumental científico vario dos séculos XIX e XX usado nos laboratorios e no traballo de campo na eido da Bioloxía.

Modelos e figuras clásticas

Colección de modelos utilizados con fins didácticos no Gabinete.