Saltar ao contido principal
Inicio  »  Servizos  »  Oficina de Igualdade de Xénero  »  I Xornada Universitaria Galega en Xénero. Roles de xénero en tempos de crise. I XUGeX

I Xornada Universitaria Galega en Xénero. Roles de xénero en tempos de crise. I XUGeX


Venres, 10 de maio de 2013

As oficinas/unidade de igualdade das tres universidades galegas organizamos a   
I Xornada Universitaria Galega en Xénero que se celebrará os días 20 e 21 de xuño en Santiago de Compostela.

A Xornada nace con vocación de continuidade e cada ano achegarase aos temas de xénero dende perspectivas distintas cunha visión multidisciplinar.

Nun momento de crise económica, financeira, social e cultural como o actual, este ano a Xornada concentrarase en reflexionar sobre as repercusións desta crise nos roles de xénero. A I Xornada Universitaria Galega en Xénero: Roles de xénero en tempos de crise analiza tres áreas temáticas:

  • Políticas públicas de igualdade. Coordina: Oficina de Igualdade de Xénero da USC
  • Mulleres e mercado laboral. Coordina: Oficina para a Igualdade de Xénero. UDC
  • Corresponsabilidade e conciliación. Coordina: Unidade de Igualdade. UVigo
 

Envío de proposta de comunicación    

As propostas de comunicación, relacionadas coas temáticas da Xornada, deberán empregar unha linguaxe inclusiva e serán sometidas á avaliación  do Comité Científico.
As comunicacións aceptadas e defendidas, en sesión póster, recibirán diploma acreditativo.

A presentación de propostas será a través do envío do formulario de comunicación aos seguintes enderezos electrónicos, dependendo da área temática analizada:

Comunicacións da área Políticas públicas de igualdade: oix@usc.es
Comunicacións da área Mulleres e mercado laboral:  oficina.igualdade@udc.es
Comunicacións da área Corresponsabilidade e conciliación: igualdade@uvigo.es

Data límite de envío de propostas: 3 de xuño de 2013

 

Publicación  

Realizarase unha  publicación dos traballos presentados e defendidos   que disporá de ISBN.
 

Estrutura da xornada  

As actividades programadas dentro de cada área temática son:
-           Conferencia invitada 
-           Mesa redonda
-          Sesión póster. Presentación das comunicacións
 

Inscrición  

A inscrición será gratuíta. Entregarase diploma acreditativo de asistencia.
O formulario de inscrición estará dispoñible proximamente.
 

Obxectivos 

  1. Crear un punto de encontro e intercambio para aproveitar as sinerxías do persoal docente e investigador do Sistema Universitario Galego
  2. Impulsar o debate sobre os cambios nos roles de xénero no momento actual
  3. Visibilizar as investigacións relacionadas coas temáticas da Xornada
  4. Promover a creación de redes de investigación interuniversitarias e multidisciplinares con perspectiva de xénero