Bolsas MAE

¿Que son?
As "Bolsas MAE- AECI" constitúen a oferta da formación, xeralmente de posgrao ou terceiro ciclo, do Ministerio de Asuntos Exteriores de España -MAE- para xóvenes titulados universitarios superiores (e, nalgúns casos, estudantes) estranxeiros e españois. A Dirección Xeral de Relacións Culturais e Científicas da Axencia Española de Cooperación Internacional -AECI-, dependiente do Ministerio, xestiona estas becas, a través da súa Subdirección Xeral de Bolsas, Leitorados e Intercambios (Avda. Reyes Católicos 4, 28040 Madrid, tº 91 583 85 98 - 99). Son bolsas a disposición de cidadáns estranxeiros para realizar estudos en España, e para españois para realizalos no exterior, durante o verán de 2004 e o curso académico 2004- 2005 na presente convocatoria. Esta convocatoria publícase no Boletín Oficial do Estado: www.boe.es . As Becas MAE- AECI convócanse unha única vez, cada ano, con carácter unilateral e aberto a todos os países do mundo. É moi importante que os interesados lean con detenimento o texto completo da convocatoria das bolsas e as súas Bases na correspondente Resolución. Cada un dos diferentes Programas de Bolsas MAE-AECI, agrupados por capítulos, ten un perfil concreto que describe a quen vai dirixido, a súa dotación económica e os seus requisitos específicos, que debe ser cuidadosamente consultado polos posibles interesados.

¿Quen as pode pedir?
Cidadáns estranxeiros e españois maiores de idade con estudos universitarios ou recoñecida traxectoria en actividades artístico-culturais, segundo o programa de bolsas concreto que se solicite. Para estudos cuxa duración sexa superior a seis meses, os posibles interesados non deberán superar preferiblemente os 35 años de idade no ano 2004. No caso de estudos cunha duración inferior, non existe dito límite de idade.

¿Para que son?
Para perfeccionamento de coñecementos lingüísticos e culturais do español para os estranxeiros, e perfeccionamento de linguas estranxeiras para os españois, en Universidades e centros superiores públicos e privados. Para estudos de doutorado, tesis doutoral, estudos posdoutorais, investigación, cursos de posgrao de maestría, de especialización, de experto, outros, en Universidades e centros superiores públicos e privados españois e estranxeiros. Para estudos europeos, formación en cooperación cultural, especialización bibliotecaria, ampliación de estudos artísticos e investigación de hispanistas en España e no exterior.

¿Que se requiere para solicitalas?
Se se trata dunha petición de bolsa nova requíerese:

• Se se é extranxeiro, non ser residente en España, e se se é español non ser residente no país para o que se solicita a bolsa.
• Ter pasaporte en vigor, os extranxeiros, e DNI os españois.
• Ter a titulación axeitada para seguir os estudos que se pretenden.
• Ter coñecemento suficiente da lingua española, para extranjeros, e da lingua na que se seguirán os estudos no exterior, para españois.
• Non padecer enfermidades.
• Ter unha enderezo seguro de correo electrónico.
• Ter sido admitido no centro de acollida donde se cursarán os estudos ou se realizará a investigación.

Se se trata de solicitude de bolsa de renovación:

• Ser bolseiro da convocatoria Bolsas MAE do curso 2002/2003.
• Ter en regra o permiso de residencia como estudante.

¿Como se solicitan?
A solicitude das bolsas realízase polo peticionario exclusivamente "on line" por Internet. Asimesmo, as comunicacións da AECI cos interesados realizaranse tamén por Internet, a través de correo electrónico. Para solicitar as bolsas débese cumprimentar en liña por Internet o formulario de bolsa nova ou bolsa de renovación, segundo o caso, no enderezo electrónico: http://www.becasmae.com/ ata o 21 de decembro de 2003. Non debe deixarse para o último día a cumprimentación de dito formulario polo risco de posible saturación da liña.

¿Que condicións económicas ofrecen?

• Unha axuda mensual, que variará segundo o programa elexido.
• Residencia nun Colexio Maior patrocinado pola AECI en Madrid, segundo o programa:
  • Colexio Maior Universitario Nosa Señora de Guadalupe
  • Colexio Maior Universitario Nosa Señora de Africa
• Seguro médico non farmacéutico.
• Axuda de viaxe segundo rexión de procedencia ou destino do bolseiro.
• Axuda ou exención de matrícula, segundo o programa.

¿Como é o proceso de selección?
As solicitudes de bolsa pasarán unha preselección, que valorará esencialmente o proxecto de estudos, a súa motivación e aplicabilidade no país de orixe do solicitante, os seus méritos académicos, a súa experiencia profesional, o seu currciculum vitae, as cartas de referencia, e outros factores relevantes. As solicitudes preseleccionadas serán consideradas para a súa posterior selección por unha Comisión de avaliación, que contará co asesoramento de expertos procedentes da Universidade española, que realizará a proposta final de adxudicación de bolsas. Considerarase a distribución das bolsas por países segundo os criterios de política de cooperación e cultural exterior españolas.

¿Cando se solicitan?
Entre o 1 de outubro de 2003 e o 21 de decembro de 2003 (considerarase un prazo de 10 días para completar as solicitudes que o requieran).

¿Cando se adxudican? as bolsas deberán estar adxudicadas antes do comenzo do verán 2004. En todo caso, as bolsas deberán estar adxudicadas antes do inicio dos estudos correspondentes.

¿Que obrigas teñen os bolseiros?

• Os adxudicatarios das bolsas deberán, nun primeiro momento, comunicar a aceptación expresa da bolsa por correo electrónico á AECI.
• Os estranxeiros, persoarse ante o responsable da Unidade de Bolsas MAE-AECI do seu centro de acollida, no seu caso.
• Solicitar os visados correspondentes para poder entrar e residir legalmente no país no que se realizarán os estudos, polo que é importante para os estranxeiros consultar a documentación requerida.
• Seguir os estudos obxecto da bolsa no prazo correspondente.
• Ser respetuoso das leis do país de acollida e non perxudicar os intereses da política exterior española.
• Incompatibilidade da bolsa MAE-AECI con calquer outro tipo de bolsa ou axuda que se tivese obtido ou solicitado para o mesmo fin sin autorización expresa da AECI.
• Ao remate da bolsa invítase aos beneficiarios a rexistrarse na Asociación de Bolseiros Antigos do Ministerio de Asuntos Exteriores- Axencia Española de Cooperación Internacional (ABAME)

Máis información