Actividades de Formación Docente para Profesorado Non-Universitario

A USC, a través da Vicerrectoría de Titulacións e Persoal Docente e Investigador, e ao amparo do Acordo de colaboración entre a Consellería de Educación e Ordenación Universitaria e a Universidade de Santiago de Compostela para a realización de actividades de formación permanente do profesorado, convoca todos os anos a presentación de proxectos de actividades formativas para o profesorado non universitario. Estes cursos terán o recoñecemento da Consellería de Cultura, Educación e Ordenación Universitaria aos efectos oportunos. 
 

Propostas curso académico 2013-14

I. Por acordo coa Consellería de Cultura, Educación e Ordenación Universitaria durante o curso académico 2013/2014 no caso das universidades prorróganse as normas que había con anterioridade a publicación da orde do 14 de maio de 2013 para este curso académico.
Ábrese, polo tanto, unha nova convocatoria para a realización de actividades de formación permanente do profesorado non universitario de outubro 2013 a setembro 2014. As propostas deben atender os requisitos e líñas de actuación da Xunta: Directrices Xunta [PDF - 228 kb][Actualizado: 4/10/12]

II. O Responsable do PFID elabora a addenda do conxunto de actividades da USC ante a Xunta. Os coordinadores das actividades teñen que enviar as propostas e facer as consultas co responsable do PFID.

A persoa coordinadora dunha proposta é a única que enviará ou solicitará información o PFID sobre a actividade e os trámites para o seu recoñecemento.

Propostas curso académico 2013/2014

1.      As propostas deberán respectar as directrices para a homologación da formación permanente do profesorado non universitario. Deberá ter en conta, por tanto, que:

a.      O horario da actividade en días laborais non pode superar as 4 horas e debe ser pola tarde, fora do horario lectivo do profesorado.

b.      En días non lectivos pódese certificar até 8 horas diarias.

c.      Non se seleccionará ningunha actividade cunha duración menor a 8 horas

d.      As accións formativas irán dirixidas ao profesorado que desempeñe as súas funcións en centros sostidos con fondos públicos. Permítese a participación nestas actividades a persoas alleas ao colectivo con referencia neste apartado até un 30%.

e.      As actividades seleccionadas para a homologación deben contribuír a mellorar a cualificación científica, didáctica, tecnolóxica e profesional do profesorado.

f.       Como norma xeral, as accións formativas recollidas neste marco deberán axustarse ás recomendacións da Consellería na súa práctica. Neste sentido, as xornadas non deben superar as 20 horas de duración e os cursos as 30 horas.

g.      Nos cursos presenciais de máis de 25 horas nos que se deseñou unha fase a distancia, esta non pode superar o 20% da duración total da actividade. Os cursos de menos de 25 horas non poden ter fase a distancia.

2.      Para ter dereito á certificación o profesorado deberá asistir polo menos ao 85% das horas da actividade.

3.      Unha vez rematada a actividade, a persoa coordinadora enviará ao PFID a acta da actividade xunto coas sinaturas da asistencia.

4.      No certificado farase constar que a actividade é recoñecido pola Consellería de Cultura, Educación e Ordenación Universitaria como formación permanente do profesorado e o número de rexistro que lle corresponda.

III. A convocatoria para o curso 2013-14 ten dúas fases. A primeira de outubro de 2013 a xuño de 2014 terá aberto o prazo de presentación ata o 30 de setembro de 2013. A segunda fase convocarase por correo a lista de PDI en marzo 2014, para presentar os cursos desde xullo a setembro de 2014.

As propostas deben estar no formulario e dirixidas á Responsable del Programa de Formación e Innovación Docente (PFID) e presentadas por correo electrónico (pfid@usc.es). Data límite de presentación: 30 de setembro de 2013

O Formulario de presentación de propostas pode descargarse  Modelo_Ficha_Convenio_Xunta_prof_non_univ__2013-14 [doc - 171 kb][Actualizado: 20/9/13]