Saltar ao contido principal
Inicio  »  Servizos  »  Programa de Formación e Innovación Docente  »  Plan de formación a demanda

Plan de formación a demanda 

O Plan de Formación a Demanda do Programa de Formación e Innovación Docente da Universidade de Santiago de Compostela é unha iniciativa de formación permanente destinada a recoller as actividades de formación do PDI propostas polos centros. Ten como obxectivo contextualizar e adaptar a formación ás necesidades específicas dos centros e asemade estimular a participación na formulación das actividades de formación no ámbito da docencia, a investigación e a xestión de cara a contribuír á estratexia de mellora da calidade docente e investigadora do profesorado.

A vía de colaboración dos centros educativos da USC co Plan de Formación a Demanda realizarase baixo dúas modalidades: axudas para o desenvolvemento de actividades de formación en centros e recoñecemento de actividades de formación do PDI.

Axudas para o desenvolvemento de actividades de formación en centros

Esta modalidade ten como finalidade propiciar a participación dos e nos centros, financiando a posta en marcha de actividades que supoñan unha mellora na implantación da oferta formativa no centro, para un número de profesores/as en activo e investigadores/as Ramón y Cajal e Parga Pondal con carga docente no POD do curso vixente que dexesen mellorar as súas prácticas e que sexa avaliable o seu impacto no centro. Estas actividades terán a mesma entidade e recoñecemento que os cursos ofertados na programación xeral de formación do PFID.

O máximo de horas recoñecidas para cada actividade de formación será de 20 horas.

O número mínimo de participantes será de 10 persoas

A contía da axuda económica será dun máximo de 1.100€ por centro é poderá ser solicitada unha soa vez durante o curso académico

Recoñecemento de actividades de formación do PDI

Esta modalidade ten como obxectivo recoñecer actividades de formación para o PDI realizadas e financiadas dende os propios centros docentes e de investigación, departamentos e grupos de profesorado da USC que desexen mellorar as súas prácticas e que sexa avaliable o seu impacto no centro.

O máximo de horas recoñecidas para cada actividade de formación será de 15 horas.

O número mínimo de participantes será de 10 persoas.

Só se poderán recoñecer un máximo de dúas accións por centro ou departamento e unha acción por grupo de profesorado.

Quedan excluídas desta modalidade: congresos e xornadas de difusión do coñecemento,  dado que non se trata de actividades de formación de PDI propiamente ditas e xa contan cos seus propios mecanismos de certificación e recoñecemento.

Formalización das solicitudes:

Poderán participar no Plan a demanda todas as Facultades e Escolas Universitarias da USC. As actividades programadas estarán contextualizadas á situación particular de cada centro e encadradas nun dos seguintes ámbitos de formación do PFID.
  • Tecnoloxías da información e da comunicación aplicadas á docencia.
  • Metodoloxía: estratexias de ensino-aprendizaxe, titoría, avaliación.
  • Desenvolvemento profesional.
As solicitudes axustaranse aos modelos normalizados, estarán dirixidas á Coordinación do PFID e serán subscritas pola persoa responsable do centro (decano/a ou director/a) e pola persoa responsable da acción formativa. A aprobación na modalidade de Axudas permite a realización e acreditación, e a aprobación na modalidade de Recoñecemento outorga unha acreditación dentro do PFID.
 

    Formularios para Axudas o desenvolvemento de actividades de formación:

    • Solicitude de Axuda para Actividade de Formación. doc PFID_Solicitude_Axuda Actividade Formativa [doc - 57 kb][Actualizado: 21/3/12].
    • Memoria Final da actividade de formación .doc PFID_Memoria_Actividade_formativa [doc - 46 kb][Actualizado: 21/3/12].
    • Ao finalizar a acción de formación a persoa responsable desta, remitirá ao PFID, nun espazo de tempo non superior a trinta días naturais, a memoria final de avaliación xunto cos informes de avaliación de cada asistente, os rexistros diarios de asistencia e as enquisas de avaliación, conforme  ao procedemento ordinario do PFID (facilitadas ao inicio).

    Formularios de Recoñecemento de actividades de formación do PDI :

    Período de solicitude e matrícula do plan a demanda: O período de solicitude permanecerá aberto todo curso. A solicitude será dirixida á Coordinación do PFID da USC ,que unha vez autorizada, publicará a actividade na aplicación do PFID. No caso da modalidade de axudas, os solicitantes poderan preinscribirse polo procedemento ordinario do PFID. No caso de recoñecemento consultarase co PFID o procedemento de preinscripción.

Período de realización da actividade de formación a demanda:

As actividades desenvolveranse entre os meses de setembro e xullo do curso vixente.