Hospital Veterinario Universitario Rof Codina
Enderezo
Facultade de Veterinaria de Lugo
Estrada da Granza s/n
27002 - Lugo
Tfno.: 982 820 920
Correo electrónico: rofcodina@usc.es
Descrición
O HCV-RC da Facultade de Veterinaria, da Universidade de Santiago de Compostela naceu, ao amparo da constitución da Fundación Rof Codina en maio de 1994.
Este hospital universitario ten uns obxectivos xerais que son:
- Mellorar a docencia da Facultade de Veterinaria mediante a utilización das súas infraestruturas e toda a casuística clínica, así como outras ensinanzas máis especializadas das distintas profesións biosanitarias.
- Liderar o coidado e benestar dos pacientes, ofertando servizos asistenciais de alta calidade aos propietarios e veterinarios en xeral.
- Impulso á investigación clínica e innovación científica, das ciencias Biomédicas e Experimentais.
O HCV-RC está dividido en varios servizos e especialidades, dirixidos a 3 grandes grupos de pacientes: pequenos animais exóticos, animais de renda e equinos.
A casuística anual é superior a 8.000 casos. Na clínica ambulante realizan prácticas 200 alumnos visitando a medio cento de explotacións con máis de 2.000 animais de produción leiteira e cárnica.
O equipamento e a especialización dos profesores e facultativos, do HCV-RC, fan del un centro de referencia en todo o Noroeste peninsular e polo tanto de apoio a todos os profesionais sanitarios.