Formación

O LACEM ofrece formación orientada aos sectores públicos e privados en materia de enerxía, como poden ser estratexias de aforro enerxético, eficiencia enerxética e enerxías renovables. Así como xornadas de concienciación social para o uso racional da enerxía e a presentación de manuais de boa conduta enerxética, adaptando sempre os contidos ás necesidades reais dos nosos clientes.

Ofertamos tres grandes liñas en materia de formación: 

➢ FORMACIÓN TÉCNICA: programas de formación orientados a persoal cualificado en calquera sector do ámbito enerxético (xeración eléctrica, enerxías renovables, eficiencia, etc.).

➢ CONCIENCIACIÓN: programas de concienciación para usuarios, elaboración e presentación de manuais de boas prácticas enerxéticas.

➢ DIVULGACIÓN: charlas e xornadas técnicas encamiñadas a difundir a mensaxe da eficiencia e a diversificación enerxética en centros educativos, colexios profesionais e asociacións.

Dispoñemos dun cualificado equipo de expertos, docentes e investigadores da Universidade de Santiago de Compostela, de probada e ampla experiencia no sector, que desenvolverán plans formativos adaptados ás necesidades do contratante.