Caracterización de Módulos Fotovoltaicos

A caracterización de módulos fotovoltaicos de forma eficaz e confiable é importante na implementación de instalacións novas e das xa existentes. Os ensaios mecánicos, térmicos e eléctricos son importantes para prever o comportamento do xerador fotovoltaico baixo diferentes condicións de operación.

Descripción das medidas

➢ Medidas de comportamento eléctrico, mecánico e ambiental e de xeración de enerxía de módulos fotovoltaicos de calquera tecnoloxía, tipo de célula solar ou forma ou tamaño.

➢ Calibración da potencia, rendemento e curva característica I-V dos módulos fotovoltaicos en Condicións Normalizadas de Medida (1.000 W/m², 25ºC, espectro AM1,5 G e incidencia normal)

➢ Ensaio de puntos quentes (medidas con cámara térmica infravermella de alta resolución).

➢ Medida de coeficientes de temperatura, resistencias serie e paralelo e resposta espectral de módulos células de tecnoloxía equivalente.

Sectores de aplicación

Colaboración con fabricantes do sector en caracterización e mellora tecnolóxica. Realización de ensaios a petición de fabricantes ou por requirimento de proxectos de investigación. Calibración mediante curvas características intensidade-tensión, potencias e rendementos con trazabilidade internacional.