Saltar ao contido principal
Inicio  »  Servizos  »  Servizo de Participación e Integración Universitaria  »  Voluntariado, Participación e Cooperación Internacional  »  Voluntariado Universitario NNUU ODM  »  Programa VNU-ODM 2012

 Programa de Voluntariado Universitario de Nacións Unidas ante os Obxectivos do Milenio

O Programa de Voluntariado Universitario de Nacións Unidas ante os Obxectivos do Milenio (ODM) está dirixido a estudantes universitarios que queiran participar en actividades en áreas de desenvolvemento relacionados cos ODM de saúde, educación e medio ambiente e das Tecnoloxías de Información e Comunicación (TIC). A participación dos voluntarios universitarios deber contribuír a mellorar a capacidade das persoas ou institucións en países en desenvolvemento, impulsando as súas habilidades e  proporcionando servizos directos para apoiar institución e comunidades. As áreas de desenvolvemento ás que se da prioridade son as que derivan dos ODM de saúde, educación e medio ambiente e das Tecnoloxías de Información e Comunicación (TIC) tal como se establece no convenio 2009 prorrogado en 2010. No ano 2011 suspendeuse a convocatoria, retomándose agora no 2012.

Este programa está  financiado pola  Axencia Española de Cooperación Internacional ao Desenvolvemento (AECID)  e algunhas comunidades autónomas. A Declaración do Milenio  e os Obxectivos do Milenio configuran a axenda e a metodoloxía común na loita contra a pobreza polo que son un referente para a política española de cooperación internacional.

A USC faise cargo de todos os arranxos financeiros e administrativos antes da partida do/a voluntario/a e durante a súa estancia no país de destino. Isto inclue:
  • Identificación e preselección das persos candidatas
  • Formación previa (incluíndo formación relativa ás condicións do programa e ao código de conduta)
  • Seguro médico e de responsabilidade civil obrigatorio.
  • Envío dos/as voluntarios/as ao seu país de destino, incluíndo asistencia no vo internacional e orientación na tramitación de visados e vacinas se fose necesario.
  • Comprobación de que o/a voluntario/a conta co diñeiro de manutención asignado para manterse no país de acollida.
  • Seguimento e recollida dos informes dos/as voluntarios/as. 

 

Documentación 

  • Documento acreditativo de pertencer á USC: matricula do curso 2011/2012 ou do curso 2012/2013.
  • Ficha da candidata/o. Só admitirase unha solicitude por persoa.
  • Fotocopia do DNI.
  • Carta de motivación en inglés e español específica para o posto elixido como primeira opción.
  • Carta de motivación en inglés e español específica para un segundo posto vacante elixido como segunda opción (Opcional).
  • CV Europeo en inglés e en castelán. Pode presentarse adicionalmente nun terceiro idioma se o posto o require.

 

Modelos de CV europeos 

 

Convocatoria 2012 (pdf)

Postos 2012 (pdf)