Saltar ao contido principal
Inicio  »  Servizos  »  Servizo de Prevención de Riscos  »  Campaña de prevención de lesións músculo-esquléticas

Campaña de prevención de lesións músculo-esquléticas

Campaña de prevención de lesións músculo-esqueléticas
Xoves, 14 de marzo de 2013

 

A Universidade de Santiago de Compostela é consciente de que un ámbito de traballo no que se coida e fomenta a saúde dos traballadores/ras incide directamente na eficacia do traballo que realizan e na súa calidade de vida. Dor de costas, molestias no pescozo e tensión muscular son algunhas das doenzas que con máis frecuencia se atribúen ao traballo.
 
Todos os traballadores/ras podemos estar expostos no traballo, en maior ou menor medida, a unha serie de condicións e hábitos adquiridos que, sen ser conscientes diso, nos poden estar a provocar molestias posturais, acumulación de fatiga e incomodidade.
 
Por iso, na USC decidimos levar a cabo unha intervención que preveña a incidencia destas problemáticas. Trátase dunha Campaña divulgativa para a Prevención de Trastornos Músculo-Esqueléticos. Esta Campaña, desenvolvida en colaboración con Mutua Universal, consta das seguintes actividades:
 
-          análise por expertos en ergonomía e fisioterapia das operacións de traballo que poden xerar maiores problemáticas
-          elaboración de táboas de exercicios físicos para acondicionar e fortalecer as zonas corporais máis utilizadas polos traballadores/ras
-          actividades de carácter formativo e informativo co fin de sensibilizar e trasladar boas prácticas e o modo correcto de realizar os exercicios
-          elaboración e distribución de material divulgativo (carteis e folletos)
 
O obxectivo desta Campaña é promover a saúde dos traballadores/ras, fomentando unha hixiene postural axeitada na actividade diaria, de maneira que se poidan reducir posibles molestias de orixe músculo–esquelética.
 
Solicitamos a colaboración e a participación de todos os traballadores/ras da USC nas actividades que se van desenvolver para acadar a máxima efectividade da Campaña.
 
Para máis información pode accederse ao díptico informativo que se inserta ao final deste escrito e pode contactarse con:
 
-            Servizo de Vixilancia da Saúde: extensión 33331; correo electrónico: med171@si.usc.es
-            Servizo de Prevención de Riscos: extensión 33333; correo electrónico: sprlab@usc.es
 
A Xerenta
Mª Lourdes Batán Aira

Ligazóns: 

  • Novidades
  • Campaña de prevención de lesións músculo-esquléticas
  • Documentación de acceso restrinxido