Actividades

Actividades xenéricas

• Establecer procedementos específicos sobre protección radiolóxica aplicables ás actividades das IRAS así como dun programa de control de calidade e optimización de procedementos e técnicas radiolóxicas utilizadas na instalación.
• Elaborar un Manual de Protección Radiolóxica.
• Implementar plans de emerxencia interior nas IRAs.
• Levar actualizados os rexistros correspondentes ás súas actividades.

Vixilancia da radiación

• Vixiar a correcta utilización de materiais ou productos radiactivos e aparatos xeradores de radiacións ionizantes en canto á protección de persoas profesionalmente expostas e do público en xeral.
• Controlar a radiación e contaminación ambiental da instalación e asesorar os procesos de descontaminación de persoas, locais e equipos.
• Elaborar o Plan de Xestión de Residuos da instalación, vixiar o seu cumprimento.
• Supervisar o cumprimento das normas legais e recomendacións internacionais en materia de protección radiolóxica, comunicando os incumprimentos detectados, inicialmente ao infractor e posteriormente ao órgano que corresponda.
• Investigar as causas de anomalías, incidencias e accidentes que puidesen producirse na instalación no que se refire a aspectos relacionados coa superación de límites e niveis de referencia, así como proponer as medidas correctoras e informar de todo iso aos responsables da IRA, ao CSN e ao Servizo Médico Especializado.
• Asesorar o titular da instalación en materia de protección radiolóxica e telo informado das súas obrigas respecto á normativa legal vixente, poñendo no seu coñecemento todas as deficiencias que poidan incidir na seguridade das instalacións e na protección dos traballadores profesionalmente expostos e do público en xeral.

Control dosimétrico

• Realizar o mantemento, rexistro, verificación e calibración dos sistemas de detección fixos e portátiles.
• Vixiar e realizar o control dosimétrico individual da radiación externa ou interna do persoal así como o arquivo actualizado dos traballadores profesionalmente expostos da instalación e dos datos da dosimetría persoal e de área durante a vida laboral dos traballadores expostos. O citado arquivo axustarase ao legalmente establecido e estará a disposición do traballador.
• Esixir o historial dosimétrico previo individual dos traballadores profesionalmente expostos de nova incorporación e certifica-los historiáis dosimétricos dos trabaliadores que o requiran.

Planificación e seguemento das instalacións

• Proponer as condicións a instalar, no que se refire á protección radiolóxica, na construcción de novas dependencias da IRA, emitindo o correspondente informe de todo proxecto de construcción ou de modificacións das existentes.
• Proponer a definición das zonas controladas e vixiadas, dos controles de acceso e das sinalizacións adecuadas.
• Determinar en que categoría das establecidas no art. 20 do Real Decreto 53/1992 se encadrarán os traballadores profesionalmente expostos segundo as súas condicións de trabarlo.

Outras funcións

• Formar e informar ao persoal das IRA verbo dos riscos aos cales están expostos, precaucións a tomar para evitalos, métodos de traballo adecuados e garantías que supoñen para eles as medidas e controles dosimétricos e exames médicos.
• Tramitar as solicitudes de autorizacións administrativas das IRA, así como as licencias e títulos de supervisor, operador ou calquera outro que sexa necesario para o funcionamento.